Filipyen 4:8 - Labib An Kreol Seselwa

⁸ Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.

Filipyen 4:8 Referans Kwoze

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

Let Pol pour bann Tit 2:7

Ou menm, ou devre donn legzanp par bann bon aksyon. Ou devre senser, e serye dan ou lansennyman.

2 Korentyen 8:21

Nou oule fer keksoz ki byen, pa zis devan Senyer, me osi devan tou dimoun.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

Ebre 13:18

Priy pour nou. Nou sir ki nou annan en konsyans kler, akoz nou oule touzour donn legzanp.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.

Efezyen 5:9

akoz lalimyer i prodwi bokou kalite: Labonte, ladrwatir, ek laverite.

Let Pol pour bann Tit 1:8

O kontrer, i devre konn donn lospitalite, kontan sa ki byen, rezonnab, zis, sen e annan kontrol lo son lekor.

1 Zan 3:3

Tou dimoun ki annan sa lesperans dan Kris i vin pir, parey Senyer li menm i pir.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Let Pol pour bann Tit 3:14

Nou bann zans osi i bezwen aprann fer bann bon aksyon. Konmsa, zot ava kapab fer fas avek bann sityasyon irzan e pa viv en lavi initil.

Romen 13:13

Annou konport nou avek dinyite parey dimoun ki pe viv an plen zour. Annou prezerv nou kont bann move fason viv tel ki: Fer parti bwar, dezord ek vis, dispit ek zalouzi.

Proverb 20:7

Sa enn ki zis i viv onnetman; zanfan ki vin apre li pou byennere.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

1 Zan 3:18

Mon bann zanfan! Annou pa kontan zis par bann zoli parol, e zoli diskour, me montre par nou bann aksyon ki nou lanmour i vre.

Let Pol pour bann Tit 2:2

Dir bann vyeyar ki zot devre modere dan tou, respektab, rezonnab e solid dan vre lafwa, lanmour ek lapasyans.

2 Korentyen 13:7

Nou priy Bondye pour ki zot pa fer nanryen mal. I pa nou lentansyon pour montre nou sikse, me nou oule war zot pratik sa ki byen, menm si i sanble ki nou pa'n reisi.

Kolosyen 4:5

Fer tou keksoz avek lasazes dan zot konportman avek bann non-krwayan, e servi byen tou lokazyon ki prezant devan zot.

1 Pyer 4:8

Avan tou, zot devre annan en gran lanmour pour kanmarad, akoz lanmour i akord pardon en kantite pese.

2 Samyel 23:3

Bondye Izrael in koze; Ros protekter Izrael in dir mwan: Sa enn ki gouvernen bann et imen avek zistis, sa enn ki gouvern avek respe anver Bondye,

Romen 13:3

Annefe, pa dimoun ki fer dibyen, ki devre per bann ziz, me plito bann ki fer sa ki mal. Ou pa oule ganny problenm avek lotorite? Alor, fer sa ki byen e ou ava ganny felisite.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Filipyen 3:1

Aprezan, mon bann frer ek ser! Mon dir zot, rezoui zot ini avek Senyer. I pa deranz mwan pour repet sa ki mon'n deza ekri; pour zot, i bon fer li.

Romen 2:29

Me en vre Zwif, i sa enn ki'n sirkonsi son leker, par en sirkonsizyon enteryer ki sorti kot Lespri Bondye; pa zis eksteryer dapre Lalwa. Sa vre Zwif i ganny felisite non pa par zonm, me par Bondye.

Ezai 26:7

Semen lazistis i drwat. Ou ki zis! Fer drwat semen sa enn ki zis.

Proverb 31:31

Rekonpans li pour travay fer avek son lanmen; tou son bann travay i loue li ziska laport lavil.

1 Timote 2:2

Pour bann lerwa ek tou dimoun ki okip en plas enportan, pour ki nou kapab viv en lavi trankil, anpe, atase avek Bondye e viv en lavi respektab avek dinyite.

1 Timote 5:10

Fodre ki i ganny rekonnet pour son travay byenfezans. Fodre ki i'n byen elve son bann zanfan, pratik lospitalite, montre limilite an lavan lipye bann krwayan, port sekour bann malere e pratik bann bonn aksyon.

Deterononm 16:20

Ou ava rod lazistis e zis lazistis. Konmsa, ou ava kapab viv e pran posesyon pei ki SENYER, ou Bondye pou donn ou.

Efezyen 6:14

Alor, met zot pare: Pran laverite koman en sang otour zot leren; pran ladrwatir koman en proteksyon lo zot pwatrin;

1 Tesalonisyen 4:12

Konmsa, bann ki pa krwayan ava annan respe pour zot, e zot pa ava bezwen depann lo personn.

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

2 Korentyen 6:8

Nou ganny onore, nou ganny meprize; ensilte, respekte. Nou pas pour manter, menm si nou pe dir laverite;

Akt de Zapot 10:22

Zot ti reponn, “Nou'n vin isi anvoye par Korney, en kaptenn dan larme Romen, en zonm zis, ki annan respe pour Bondye. Tou bann Zwif i annan bokou lestim pour li. En lanz Bondye in ordonn li pour anvoy sers ou pour li ekout sa ki ou annan pour dir.”

Levanzil dapre Zan 7:18

En dimoun ki koz par son prop lotorite, pe rod laglwar pour li menm. Me sa enn ki travay pour laglwar sa enn ki'n anvoy li, i dir laverite, e napa nanryen fo dan li.

Levanzil dapre Lik 2:25

Ti annan en zonm dan Zerizalenm ki ti apel Simeon. I ti en zonm zis ki ti annan respe pour Senyer. I ti pe esper konsolasyon pep Izrael e Lespri Sen ti avek li.

Mark 6:20

Annefe, Herod ti annan en gran respe pour Zan, akoz i ti konnen ki Zan ti en zonm zis e sen. I ti protez li. Kan i ti ekout Zan, i ti trouv li bokou anbarase; pourtan, i ti pran plezir ekout li.

Proverb 11:1

SENYER i deteste en balans ki'n fose; me en pwa ki zis, i fer li plezir.

Rit 3:11

Aprezan, mon fiy, pa trakase, mon pou fer pour ou tou sa ki ou demande, akoz ou en fanm ki annan valer, tou bann dimoun dan lavil i konnen.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

Akt de Zapot 22:12

Ti annan la en zonm ki ti apel Ananyas. I ti en zonm byen relizye e i ti obei nou Lalwa. Tou bann Zwif ki ti reste Damas ti annan gran respe pour li.

Kantik Salomon 5:16

Son labous i dou; mon anvi son lekor antye. Bann fiy Zerizalenm? Li menm mon byenneme, li menm mon zanmi.

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

1 Timote 5:2

bann fanm aze koman ou manman, e bann zenn fanm koman ou ser, avek en lespri pir.

Levanzil dapre Lik 23:50

Ti annan en zonm, sorti Arimate, ki ti apel Zozef. I ti bon, respektab e en manm Konsey.

Proverb 31:29

Bokou fiy in montre sa ki zot kapab fer; me ou, ou depas zot tou.

Proverb 16:11

Bann balans ek bann mezir zis i pour SENYER ki'n fikse valer bann pwa.

Proverb 12:4

En bon fanm i fer lafyerte son mari; me en fanm ki fer onte, i parey en maladi dan lezo son mari.

1 Timote 3:4

I devre kapab byen diriz son lakour, e gard son bann zanfan dan lobeisans ek respe.

Akt de Zapot 6:3

Alor, mon bann frer! Swazir set zonm parmi zot, ki annan bon repitasyon, ranpli avek Lespri Sen e bokou lasazes. Nou, nou ava donn zot sa responsabilite.

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Proverb 31:10

Lekel ki'n dekouver en fanm valer? I vo plis ki tou bann bizou.

Ebre 11:2

Akoz zot lafwa, ki nou bann zanset ti resevwar en bon temwannyaz.

1 Timote 3:11

Bann fanm osi, zot devret serye, e pa abitye koz dimal lo lezot. Zot devre modere e fidel dan tou.

2 Korentyen 8:18

Nou pe anvoy avek li en frer ki tou bann Legliz i felisite akoz son aktivite pour pres Bonn Nouvel.

2 Samyel 1:23

Sail ek Zonatan ti kontan kanmarad ler zot ti vivan; lanmor pa'n separ zot. Zot ti pli rapid ki leg, pli for ki lyon.

2 Pyer 3:1

Mon bann zanmi! Sa i dezyenm let ki mon ekri zot. Dan tou le de, mon'n fer zot rapel bann souvenir ki ava ed zot konpran.

Psonm 82:2

Kan eski zot pou arete donn bann zizman enzis e fer preferans pour bann ki koupab?

Romen 14:18

Sa enn ki servi Kris dan sa fason, i fer plezir Bondye, e dimoun i kontan li.