Filipyen 4:7 - Labib An Kreol Seselwa

⁷ Alor, lape Bondye ki depas tou disernman imen, ava gard zot leker ek zot lespri ini avek Zezi-Kri.

Filipyen 4:7 Referans Kwoze

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

2 Tesalonisyen 3:16

Aprezan, Senyer ki sours lape, ava li menm donn zot lape, dan tou letan e dan tou fason. Mon demande ki Senyer i reste avek zot tou.

Kolosyen 3:15

Mon swete ki lape Kris i diriz zot leker. Annefe, se ver sa lape ki Kris in apel zot kan i ti fer zot vin en sel lekor. Montre zot touzour rekonesan.

Psonm 29:11

SENYER pou donn son pep lafors. SENYER pou beni son pep e donn li lape.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Romen 15:13

Bondye, ki donn lesperans, ava ranpli zot avek lazwa ek lape parfe dan lafwa. I ava rann zot ris avek lesperans, par pwisans Lespri Sen.

Levanzil dapre Zan 16:33

Mon'n dir zot tousala pour ki zot ganny lape e reste ini avek mwan. Dan lemonn, zot bezwen soufer. Me pran kouraz. Mwan, mon'n ranport laviktwar lo lemonn.”

Romen 8:6

Kan nou dezir i ganny kontrole par natir imen, i anmenn lanmor. Me kan nou dezir i ganny kontrole par Lespri, i anmenn lavi ek lape.

Romen 5:1

Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.

Efezyen 3:19

Mon demande ki zot kapab konn lanmour Kris pour nou, menm si i depas tou konnesans imen. Konmsa, zot ava ranpli avek tou larises Bondye.

Ezai 48:18

Si selman ou ti'n ekout mon bann komannman! Alor, ou ti ava'n prospere parey en larivyer e ou bann reisit parey bann laroul dan lanmer.

Liv Zob 22:21

Fer lape avek Bondye e alor ou ava anpe. Alor, ou ava retrouv ou boner.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Ezai 48:22

SENYER i deklare: Napa lape pour dimoun ki move.

Revelasyon 1:4

Delapar Zan, pour sa set Legliz ki dan provens Lazi. Lagras ek lape delapar Bondye ki egziste, ki ti egziste e ki pe vini; delapar sa set Lespri ki devan son tronn,

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

2 Korentyen 13:11

Aprezan, mon bann frer ek ser! Mon dir zot adye! Rod laperfeksyon, swiv bann bon konsey, ankouraz kanmarad, viv anpe dakor avek kanmarad, e Bondye lanmour ek lape ava avek zot.

Nonm 6:26

SENYER ava lev son regar lo ou e donn ou lape!

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Psonm 85:8

Mon pou ekout sa ki SENYER Bondye i annan pour li dir. I promet lape pour son pep, pour dimoun ki reste fidel anver li, me ki pa retonm dan menm betiz.

Filipyen 4:9

Met an pratik sa ki zot in aprann e resevwar avek mwan, swa sa ki zot in antann mwan dir, oubyen sa ki zot in war mwan fer. Bondye, ki donn lape, ava avek zot.

Proverb 6:22

Zot ava gid ou lo ou semen, zot ava vey lo ou ler ou ava pe dormi e koz avek ou ler ou ava leve.

Ezai 26:12

SENYER! Ou'n akord nou lape, akoz vreman, tou sa ki nou'n fer, se ou ki'n fer pour nou.

Proverb 4:6

Pa abandonn lasazes e lasazes ava protez ou; kontan li e i ava vey lo ou.

Romen 1:7

Mon ekri zot zabitan Ronm, zot tou ki Bondye i kontan e ki i'n swazir pour viv pour li: Mon demande ki Bondye nou Papa, e Senyer Zezi-Kri i akord zot son lagras ek son lape.

Proverb 2:11

Refleksyon ava protez ou, larezon ava vey lo ou.

Nehemi 8:10

Apre, Esdras ti dir zot, “Ale! Manz bann bon pla gra e bwar bann liker dou; anvoy en pe pour bann ki pa'n prepar nanryen, akoz sa zour i sakre pour nou SENYER. Pa bezwen pran lapenn, akoz lazwa SENYER i zot lafors!”

Zeremi 33:6

Malgre sa, mon pou swanny sa lavil e mon pou geri son bann zabitan e fer zot viv dan lape e an sekirite.

Ezai 45:7

Mwan ki fer lalimyer e kree fernwanr. Mon fer boner e mon fer maler. Mwan menm SENYER ki fer tousala.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Liv Zob 34:29

Si Bondye i reste trankil, lekel ki kapab kondann li? Si i kasyet son figir, lekel sa nasyon oubyen sa zonm ki pou kapab war li?

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.

Let Zid 1:1

Sa let i sorti kot Zid, serviter Zezi-Kri, e frer Zak. Pour tou bann ki'n ganny apele par Bondye e ki viv dan lanmour Bondye Papa e ki ganny garde par Zezi-Kri.

Filipyen 1:2

Nou demande ki Bondye nou Papa e Senyer Zezi-Kri i akord zot lagras ek lape.

Zeremi 32:16

Kan mon ti'n donn Barouk, garson Neriya, bann lakt lavant, mon ti fer sa lapriyer:

2 Korentyen 10:5

Nou demoli tou miray lopozisyon kont konnesans Bondye. Nou fer prizonnyen tou panse pour fer zot obei Kris.

Filipyen 1:1

Sa let i sorti kot Pol ek Timote, bann serviter Zezi-Kri. Nou pe ekri tou bann zabitan Filipi ki fer parti pep Bondye, ini avek Zezi-Kri. Nou mesaz i adres osi pour bann dirizan Legliz ek bann dyak.

Filipyen 4:19

Dan son larises, mon Bondye ava donn zot tou sa ki zot bezwen, par Zezi-Kri.

Filipyen 4:21

Fer konpliman tou bann manm zot kominote lo non Zezi-Kri. Bann frer ki avek mwan, i osi fer zot salanm.