Filipyen 4:6 - Labib An Kreol Seselwa

⁶ Pa bezwen enkyet pour nanryen, me dan tou sirkonstans, dan lapriyer ek siplikasyon, avek en leker rekonesan, demann Bondye tou sa ki zot bezwen.

Filipyen 4:6 Referans Kwoze

1 Pyer 5:7

Desarz tou zot traka lo li, akoz i pran swen avek zot.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Matye 6:8

Pa imit zot, akoz zot Papa i konnen sa ki zot bezwen, avan menm ki zot demann li.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Proverb 16:3

Konfye ou travay avek SENYER, e ou ava realiz ou bann proze.

Psonm 62:8

Pep! Fer li touzour konfyans. Dir li sa ki zot annan lo zot leker. Bondye i en labri pour nou.

Kolosyen 4:2

Persevere dan lapriyer; reste vizilan dan lapriyer ki zot adres Bondye avek rekonesans

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Kolosyen 3:17

Dan tou sa ki zot fer e dir, fer tou dan non Senyer Zezi. Par li, remersye Bondye nou Papa.

Levanzil dapre Lik 18:1

Zezi ti rakont zot en parabol pour montre ki fodre touzour priye e pa perdi kouraz.

Levanzil dapre Lik 12:22

Zezi ti dir avek son bann disip, “Pour sa rezon, mon dir zot pa bezwen trakase lo size zot lavi, pour konnen ki zot pou manze; ni pour zot lekor, pour konnen ki zot pou mete.

Psonm 51:15

SENYER! Ouver mon labous e mon ava sant ou louanz.

Kolosyen 3:15

Mon swete ki lape Kris i diriz zot leker. Annefe, se ver sa lape ki Kris in apel zot kan i ti fer zot vin en sel lekor. Montre zot touzour rekonesan.

1 Samyel 30:6

David ti dan en gran tourman, akoz lepep ti pe mazin saboul li akoud ros. Zot tou, zot ti bokou ankoler, sakenn pour son bann garson e bann fiy. Me David ti repran kouraz e met son konfyans dan SENYER, son Bondye.

Efezyen 5:20

Lo non nou Senyer Zezi-Kri, remersye Bondye, nou Papa toultan pour tou.

Psonm 55:17

Bomaten, midi, aswar mon boulverse, mon plennyen. I ava antann mon lavwa.

Levanzil dapre Lik 10:41

Senyer ti reponn li, “Mart, Mart! Ou enkyet e ou trakas pour bokou keksoz.

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Matye 10:19

Kan zot ganny anmennen devan tribinal, pa trakase pour konnen ki pou dir, ni koman zot pou dir. Parol ki zot devre dir, pou vini dan sa moman menm.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Levanzil dapre Lik 12:29

Alor, pa trakase pour konnen ki zot pou manze, ni ki zot pou bwar.

1 Samyel 1:15

Ann ti reponn, “Non, mon pa sou, me mon en fanm byen malere. Mon pa'n bwar ni diven, ni okenn lalkol, me mon pe devid mon leker devan SENYER.

2 Korentyen 1:11

Alor, zot osi, ed nou par zot lapriyer, pour ki sa lagras ki nou'n gannyen par lentersesyon bokou dimoun, ava osi en size remersiman pour plizyer dimoun.

1 Korentyen 7:32

Mon oule ki zot san traka. En zonm ki pa marye, i preokip li avek travay Senyer, akoz i oule fer plezir Senyer.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

Matye 13:22

Bann lagrenn ki tonm parmi bann zarbis pikan, zot parey sa bann dimoun ki antann Laparol, me traka lemonn, plezir lavi ek larzan i touf Laparol e zot pa prodwir okenn fri.

Danyel 3:16

Sadrak, Mesak ek Abed-Nego ti dir lerwa Naboukodonozor, “Nou pa bezwen defann nou lo sa size.

2 Kronik 32:20

Apre sa, lerwa Ezekyas ek profet Ezai, garson Amoz, ti priye e kriye ver lesyel.

1 Samyel 7:12

Alor, Samyel ti pran en ros ki i ti plas ant Mispa ek Senn. I ti apel sa landrwa Eben-Ezer an dizan, “Ziska la, SENYER in sekour nou.”

Kantik Salomon 2:14

Mon tourtrel! Les mwan war ou figir, les mwan antann ou lavwa ki sorti depi dan kavern ros, parmi bann montanny apik kot ou pe kasyet!

1 Korentyen 7:21

Eski ou ti en lesklav kan Bondye ti apel ou? Pa fer nanryen. Me si ou kapab vin lib, profit ou sans.

1 Rwa 8:28

Sepandan, SENYER mon Bondye, port atansyon lo lapriyer ek siplikasyon ou serviter. Ekout mon lapriyer ki mwan, ou serviter i adres ou ozordi.

Zeremi 32:16

Kan mon ti'n donn Barouk, garson Neriya, bann lakt lavant, mon ti fer sa lapriyer:

Danyel 6:10

Kan Danyel ti aprann ki sa lord ti'n ganny sinyen, i ti al dan son lakaz, dan lasanm letaz, kot bann lafnet ki vir ver Zerizalenm. Trwa fwa par zour, i ti met li azenou pour priye e loue son Bondye, parey i ti abitye fer.

Matye 6:34

Alor, pa trakase pour demen. Demen ava li menm anmenn ase traka konmsa. Traka ozordi i ase pour ozordi.

1 Timote 2:1

Premyerman, mon rekomande ki zot adres Bondye bann demann, lapriyer, siplikasyon ek remersiman an faver tou et imen:

1 Timote 5:5

En fanm ki vreman viv koman en vev, ki'n reste tousel, i'n met son lespwar dan Bondye. I pa arete priy Bondye, lizour koman aswar, pour demann li son led.