Filipyen 3:8 - Labib An Kreol Seselwa

⁸ Wi! Mon menm konsider tou keksoz koman en pert, konpare avek sa byen ki bokou pli siperyer: konnesans Zezi-Kri mon Senyer. Pour li, mon pa'n rod okenn avantaz personnel. Mon konsider tousala koman salte, pour mwan ganny Kris,

Filipyen 3:8 Referans Kwoze

Romen 8:18

Mon annan sa lasirans ki sa ki nou pe soufer konmela, pa kapab ganny konpare avek laglwar ki Bondye pou revel nou dan lavenir.

Akt de Zapot 20:24

Me mon pa atas okenn valer spesyal avek mon lavi. Pourvi ki mon kapab akonpli mon misyon e fini sa travay ki Senyer Zezi in konfye mwan, pour anons Bonn Nouvel lagras Bondye.

Filipyen 3:7

Me tou sa bann kalite ki mon ti war koman en gen pour mwan, aprezan, mon konsider zot koman en pert akoz Kris.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Filipyen 3:10

Annefe, tou sa ki mon dezire, se konn Kris ek pwisans son rezireksyon; partisip dan son bann soufrans, pour vin parey li dan son lanmor,

2 Pyer 1:3

Annefe, dan son pwisans, Bondye in donn nou tou sa ki nou bezwen pour viv en lavi vreman dapre son lavolonte. In fer nou konn sa enn ki'n apel nou pour partisip dan son prop laglwar ek son bann mervey.

1 Korentyen 2:2

Annefe, mon ti deside pour pa pres nanryen parmi zot eksepte Zezi-Kri, spesyalman Zezi-Kri krisifye.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

Levanzil dapre Zan 17:8

Mesaz ki ou ti'n donn mwan, mon'n pas avek zot. Zot in resevwar li. Zot konnen ki vreman mon sorti kot ou, e zot in krwar ki ou'n anvoy mwan.

Levanzil dapre Zan 14:20

Sa zour, zot ava konnen ki mwan, mon dan mon Papa e zot, zot dan mwan, parey ki mwan mon dan zot.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Levanzil dapre Zan 14:7

Si zot in konn mwan, zot pou osi konn mon Papa. Deza, zot konn li e zot in war li.”

Ezai 53:11

Akoz lasoufrans ki i'n siporte, i ava war lalimyer e i ava ganny rekonpanse. Mon serviter, sa enn ki zis, ava anmenn lazistis pour en lafoul dimoun; i ava pran lo li zot bann pese.

Efezyen 4:13

Konmsa, ansanm nou pou kapab ariv dan linite nou lafwa e dan konnesans Garson Bondye; nou ava vin adilt, devlope pour vin parfe parey Kris.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

1 Zan 1:3

Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.

2 Timote 4:6

Kanta mwan, ler in arive pour mwan ganny ofer an sakrifis; ler mon depar in arive.

Levanzil dapre Zan 20:28

Toma ti reponn li, “Mon Senyer e mon Bondye!”

Levanzil dapre Zan 16:3

Zot pou fer sa akoz zot pa'n konn ni mon Papa, ni mwan.

Psonm 126:6

I ale avek larm dan lizye, son sak lagrenn lo son ledo. I retourn dan lazwa avek prodwi son rekolt.

1 Zan 2:19

Sa bann dimoun in sorti kot nou, me zot pa ti vreman avek nou. Annefe, si zot ti avek nou, zot ti ava'n reste avek nou. Me zot in ale e konmsa, zot in montre ki zot pa ti avek nou.

1 Pyer 2:7

Alor, pour zot ki krwar, sa ros i annan en gran valer, me pour bann ki pa krwar, Sa ros ki bann konstrikter ti'n rezete, in vin ros kwen prensipal.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

2 Korentyen 4:4

Pour bann ki pa krwar, bondye sa lemonn in avegle zot lentelizans; i'n anpes zot war lalimyer Bonn Nouvel mazeste Kris, ki resanblans Bondye li menm.

1 Korentyen 9:10

An realite, pa pour nou ki i'n koz konmsa? Sa parol in ganny ekri pour nou. Sa enn ki prepar later pour plante, sa enn ki prepar dible i travay avek lespwar pour li ganny en par dan rekolt.

Levanzil dapre Zan 20:13

Zot ti demann li, “Fanm! Akoz ou pe plere?” I ti reponn, “Zot in pran mon Senyer e mon pa konnen kote zot in met li.”

Levanzil dapre Lik 11:20

Me si se par ledwa Bondye ki mon sas bann demon, alor, Rwayonm Bondye in ariv parmi zot.

Nonm 14:30

Personn pa pou antre dan sa pei ki mon ti promet pour enstal zot, eksepte Kaleb ek Zozye, garson Noun.

Levanzil dapre Lik 1:43

Ki mon ete pour ki manman mon Senyer i vin kot mwan?

Malasi 2:3

Mon pou pini zot desandans. Mon pou zet fimyen dan zot figir, fimyen ki zot anmennen pour sakrifis, e zot ava ganny anmase ansanm.

Liv Zob 20:7

i pou disparet parey son leskreman; e dimoun ki'n konn li pou demande: Ki'n arive avek li?

2 Rwa 9:37

Son lekor pou vin fimyen dan porsyon later dan Zizreel e personn pou nepli kapab dir: Zezabel sa.”

1 Rwa 14:10

Pour sa rezon, mon pou anvoy maler lo fanmir Zeroboanm, mon pou detri tou zonm, lesklav koman zonm lib dan Izrael; mon pou balye e fer disparet fanmir Zeroboanm konpletman, parey salte.

Psonm 73:25

Lekel ki mon annan dan lesyel apard ou? Lo later, mon sel dezir, se zis ou.

Romen 8:39

ni okenn pwisans, ni lao dan oter oubyen anba dan profonder, ni okenn keksoz dan lakreasyon, pa pou kapab separ nou avek lanmour Bondye dan Zezi-Kri, nou Senyer.

Filipyen 1:1

Sa let i sorti kot Pol ek Timote, bann serviter Zezi-Kri. Nou pe ekri tou bann zabitan Filipi ki fer parti pep Bondye, ini avek Zezi-Kri. Nou mesaz i adres osi pour bann dirizan Legliz ek bann dyak.

Filipyen 3:12

Mon pa pretann ki mon'n fini ariv lo sa bit, oubyen ki mon'n deza vin parfe. Me mon fons annavan pour esey sezi sa pri, akoz mwan osi, mon'n ganny sezi par Zezi-Kri.

2 Pyer 1:2

Mon swete ki zot resevwar lagras ek lape annabondans, par konnesans Bondye ek Zezi, nou Senyer.

2 Pyer 1:8

Se sa bann kalite ki zot devre posede. Si zot posed sa bann kalite annabondans, zot ava aktif e prodiktif dan konnesans nou Senyer Zezi-Kri.