Filipyen 3:3 - Labib An Kreol Seselwa

³ Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Filipyen 3:3 Referans Kwoze

Kolosyen 2:11

Dan Kris zot in ganny sirkonsi, pa par en sirkonsizyon fer par lanmen zonm, me en sirkonsizyon ki sorti kot Kris e ki delivre nou kont pouvwar nou lekor peser.

Romen 7:6

Me aprezan, nou'n ganny libere konsernan Lalwa. Annefe, nou'n mor vizavi sa ki ti pe gard nou prizonnyen. Alor nou kapab servi Bondye dan en nouvo fason, anba lotorite Lespri Sen. Nou nepli servi li dan vye fason, kan nou ti anba lotorite Lalwa.

Deterononm 30:6

SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.

Galat 5:25

Si nou viv par Lespri, annou les Lespri osi kontrol nou lavi.

Romen 8:15

Annefe, zot pa'n resevwar en Lespri ki rann zot lesklav, ki ranpli zot ankor avek lafreyer. Me zot in resevwar en Lespri ki fer zot vin zanfan Bondye e ki permet nou kriye: Aba! Mon Papa!

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Psonm 105:3

Rann glwar son non sen! Zot tou ki rod SENYER! Rezoui.

Deterononm 10:16

Alor, fer sirkonsi zot leker e aret retif.

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Zeremi 9:26

Lezip, Zida, Edonm, Amonn, Moab e sa bann ki reste dan dezer ki'n raz zot latet. Bann Izraelit i parey: Zot in ganny sirkonsi, me pa zot leker.

Romen 1:9

Bondye ki mon servi avek tou mon leker an anonsan Bonn Nouvel son Garson, i temwen ki tou sa ki mon pe dir i vre: I konnen ki mon touzour mazin zot

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

Let Zid 1:20

Me zot, mon bann zanmi! Kontinyen fer progre dan zot lafwa ki tre sen. Priy avek lapwisans Lespri Sen.

Romen 15:17

Mon annan rezon fyer mon travay pour Bondye, ini avek Zezi-Kri.

Romen 8:39

ni okenn pwisans, ni lao dan oter oubyen anba dan profonder, ni okenn keksoz dan lakreasyon, pa pou kapab separ nou avek lanmour Bondye dan Zezi-Kri, nou Senyer.

Romen 9:6

Mon pa pe dir ki promes Bondye pa'n reisi. Annefe, pa tou desandan pep Izrael ki vre pep Izrael,

2 Korentyen 11:18

I annan bokou ki vant zot lekor pour rezon imen. Alor, mwan osi mon pou vant mon lekor.

Galat 6:16

Pour tou dimoun ki swiv sa lareg dan zot lavi, mon dir: Lape, labonte Bondye ava avek zot, osi avek pep Bondye antye.

Filipyen 1:1

Sa let i sorti kot Pol ek Timote, bann serviter Zezi-Kri. Nou pe ekri tou bann zabitan Filipi ki fer parti pep Bondye, ini avek Zezi-Kri. Nou mesaz i adres osi pour bann dirizan Legliz ek bann dyak.

Filipyen 3:12

Mon pa pretann ki mon'n fini ariv lo sa bit, oubyen ki mon'n deza vin parfe. Me mon fons annavan pour esey sezi sa pri, akoz mwan osi, mon'n ganny sezi par Zezi-Kri.

Filipyen 3:14

Mon taye pour mwan ariv lo bit, pour ganny sa pri ki Bondye, par Zezi-Kri, in apel nou pour resevwar depi lao.