Filipyen 2:5 - Labib An Kreol Seselwa

⁵ Zot devre annan menm konportman ant zot, parey dimoun ki ini avek Zezi-Kri:

Filipyen 2:5 Referans Kwoze

1 Zan 2:6

Sa enn ki dir ki i ini avek li, i devre mars dan menm semen kot li menm in marse.

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

1 Pyer 2:21

Pour sa rezon ki Bondye in apel zot, akoz Kris li menm in soufer pour zot; i'n les zot en legzanp pour zot swiv.

1 Pyer 4:1

Alor, akoz Kris in soufer fizikman, zot osi, zot devre annan sa menm konviksyon. Annefe, sa enn ki'n soufer fizikman, i'n fini avek pese,

1 Korentyen 10:33

Fer parey mwan: Mon fer tou pour fer plezir tou dimoun dan tou sirkonstans. Mon pa pe rod mon prop lentere, me lentere en gran kantite dimoun pour ki zot ganny sove.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Romen 15:5

Bondye ki donn peseverans ek lankourazman, ava rann zot byen dakor ant zot, an swivan legzanp Zezi-Kri.

Akt de Zapot 20:35

Dan tou sirkonstans, mon'n montre zot ki fodre travay pour kapab ed bann ki pli pov e rapel zot parol Senyer Zezi li menm: I annan plis lazwa pour donnen ki pour resevwar.”

Romen 15:3

Kris pa ti fer sa ki fer li plezir, me parey Lekritir i deklare: Lensilt bann ki ensilte ou, in tonm lo mwan.

Levanzil dapre Lik 22:27

Annefe, lekel ki pli enportan: Sa enn ki asiz atab, oubyen sa ki pe servi? Pa sa enn ki asiz atab? Me mwan, mon parmi zot koman sa enn ki pe servi.

Romen 14:15

Si, ler ou manz en keksoz ou fer lapenn ou frer, ou pa pe azir dapre lanmour. Fer atansyon ki pour en kestyon manze, ou pa vin lakoz lapert en dimoun, pour ki Kris in mor.

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

Filipyen 1:1

Sa let i sorti kot Pol ek Timote, bann serviter Zezi-Kri. Nou pe ekri tou bann zabitan Filipi ki fer parti pep Bondye, ini avek Zezi-Kri. Nou mesaz i adres osi pour bann dirizan Legliz ek bann dyak.