Filipyen 2:12 - Labib An Kreol Seselwa

¹² Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

Filipyen 2:12 Referans Kwoze

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

Ebre 4:11

Alor, annou fer tou zefor posib pour antre dan sa repo, pour ki personn pa tonbe par dezobeisans, parey nou bann zanset.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

Filipyen 1:27

Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

Ebre 5:9

Ler i ti'n ganny laperfeksyon, i'n vin sours delivrans eternel pour tou bann ki obei li.

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

Proverb 13:4

Dezir sa enn ki pares pa zanmen abouti; Me sa enn ki travay dir i realiz tou sa ki i anvi.

Ebre 4:1

Bondye in les nou sa promes konmkwa nou pou kapab antre dan son repo ki i'n prepare pour nou. Alor, annou fer byen atansyon ki personn parmi zot pa mank lokazyon antre dan sa repo.

Ebre 12:1

Nou osi, nou'n ganny antoure par en tel gran lafoul temwen. Annou debaras nou avek tou fardo ki ralanti nou lamars, partikilyerman avek tou pese ki anserkle nou si fasilman. Annou, avek determinasyon, fer sa lakours ki nou'n ganny propoze.

Filipyen 4:1

Mon bann frer e ser! Mon telman anvi revwar zot! Zot menm ki mon lazwa, mon kouronn laviktwar. Alor, mon bann zanmi! Reste ini, fidelman avek Senyer.

Romen 2:7

Bann ki fer lebyen, pou ganny laglwar, loner ek limortalite.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

Psonm 119:120

Mon lekor i ganny frison akoz respe devan ou. Ou bann desizyon i fer mwan per.

Psonm 2:11

Servi SENYER avek respe. Rezoui dan limilite;

2 Korentyen 7:15

Annefe, son lafeksyon pour zot in vin pli gran ankor ler i mazin zot lobeisans, e ki mannyer zot ti resevwar li avek bokou respe.

1 Korentyen 2:3

Pour sa menm rezon, kan mon ti prezant mwan devan zot, mon ti feb e mon ti pe tranble.

Efezyen 6:5

Bann serviter! Zot devre obei zot met lo later avek bokou respe, e travay dan son servis onnetman, parey ou ti ava fer si ou ti pe servi Kris.

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Proverb 10:16

Lapey sa enn ki zis i donn lavi; me saler en malfeter i anmenn li dan pese.

Matye 11:12

Depi lepok ki Zanbatis ti prese, ziska aprezan, Rwayonm lesyel in pas par vyolans; e se dimoun vyolan ki esey pran posesyon.

Esdras 10:3

Annou fer en lalyans avek nou Bondye e fer ale tou sa bann fanm etranze ek zot bann zanfan. Konmsa, nou ava swiv ou konsey ki ou, ek tou bann ki annan respe pour komannman nou Bondye in donnen. Annou fer tou dapre lalwa.

Filipyen 1:5

Annefe, depi premye zour ziska ozordi, zot in ed mwan pour repann Bonn Nouvel.

Akt de Zapot 9:6

Me leve, al dan lavil e la, ou ava ganny dir tou sa ki ou annan pour fer.

Filipyen 2:19

Mon annan lespwar dan Senyer Zezi ki mon ava kapab byento anvoy Timote kot zot. Konmsa, mwan osi, mon ava ganny rekonforte par nouvel sorti kot zot.

1 Korentyen 4:14

Si mon ekri zot tousala, se pa pour fer zot onte, me pour averti zot koman mon bann zanfan ki mon kontan.

Filipyen 4:15

Annefe, zot bann Filipyen, zot konn tre byen: Kan mon ti kit Masedwann, lepok ki nou ti'n fek konmans anons Bonn Nouvel, okenn lot Legliz pa ti ed mwan. Zot sel Legliz ki an solidarite, ti partaz tou avek mwan.

Akt de Zapot 16:29

Alor, gardyen ti demann lalimyer. I ti tay anndan e tonm ater dan lipye Pol ek Silas.

Filipyen 1:6

Mon sir ki Bondye ki'n konmans sa bon travay parmi zot, ava kontinyen fer li ziska ki i ganny konplete, zour ki Zezi-Kri ava retournen.