Filipyen 2:10 - Labib An Kreol Seselwa

¹⁰ Alor, devan non Zezi, ki tou sa ki dan lesyel, lo later e dan lemonn pli ba ki later, zot tonm azenou

Filipyen 2:10 Referans Kwoze

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Ebre 1:6

Par kont, kan Bondye ti anvoy son lene Garson dan lemonn, i ti deklare: Tou bann lanz Bondye ava ador li.

Efezyen 3:14

Pour sa rezon, mon tonm azenou devan nou Papa,

Revelasyon 4:10

sa 24 ansyen ti prosternen devan sa enn ki asiz lo tronn e ador sa enn ki vivan eternelman. Zot ti zet zot kouronn devan tronn e sante:

Efezyen 1:10

Sa plan ki pou ganny egzekite dan letan lafen, pour reini tou keksoz ki dan lesyel e lo later, anba en sel sef: Kris.

Matye 27:29

Zot ti tres en kouronn avek bann brans pikan e met lo son latet. Zot ti met en baton dan son lanmen drwat. Azenou devan li, zot ti gognard li, “Viv lerwa bann Zwif!”

Revelasyon 20:13

Lanmer ti rann son bann mor. Lanmor ek lemonn lanmor ti rann zot bann mor, e zot tou, zot ti ganny zize dapre bann aksyon ki zot ti'n fer.

Efezyen 4:9

Alor ki savedir: I ti monte? Savedir ki dabor i ti desann dan profonder later.

Romen 11:4

Me ki Bondye ti reponn li? “Mon'n rezerv pour mwan 7,000 zonm ki pa'n pliy zenou devan Baal.”

Matye 12:40

Annefe, parey Zonas ti pas trwa zour ek trwa nwit dan vant balenn, Fis-de-Lonm pou pas trwa zour ek trwa nwit dan vant later.

Zenez 41:43

I ti fer li mont dan kales son asistan e zot ti kriye devan li, “Atansyon! Gouverner pe pase!” Alor, Zozef ti ganny nonmen gouverner Lezip.

Psonm 95:6

Vini! Annou ador li e prosternen devan li. Annou met nou azenou devan SENYER, nou Kreater.

Revelasyon 5:3

Me ti napa personn dan lesyel, ni lo later, ni anba later, ki ti annan pouvwar ouver sa liv, ni get sa ki annan ladan.