Filipyen 1:9 - Labib An Kreol Seselwa

⁹ La sa ki mon demann Bondye dan mon lapriyer: Ki zot lanmour i ogmante e vin pli gran ankor, avek en vre konnesans ek en konpreansyon parfe,

Filipyen 1:9 Referans Kwoze

1 Tesalonisyen 3:12

Mon demann Senyer ogmant lanmour ki zot annan pour kanmarad e pour tou dimoun, parey lanmour ki nou annan pour zot.

Kolosyen 1:9

Pour sa rezon, depi ki nou'n antann koz lo zot, nou'n kontinyen priy pour zot. Nou demann Bondye pour fer zot konn plennman son lavolonte, avek lasazes ek disernman ki son Lespri i donnen.

Filemon 1:6

Mon priye ki lafwa ki nou annan ansanm, i fer son lefe dan ou. Konmsa, ou ava konn tou sa dibyen ki nou kapab fer dan servis Kris.

Kolosyen 3:10

Zot in pran en nouvo natir: Natir zonm nouvo ki tou letan, Bondye son Kreater, pe renouvle dan vre konnesans pour nou resanble li parfetman.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

2 Korentyen 8:7

Aprezan, demenm ki zot annan tou annabondans: Lafwa, don laparol, konnesans, devouman san limit, lanmour ki nou'n eveye dan zot, montre zot osi zenere dan sa proze.

1 Korentyen 14:20

Mon bann frer ek ser! Pa rezonn parey zanfan. Dan sa ki konsern sa ki mal, reste koman zanfan; me dan zot rezonnman, montre ki zot bann adilt.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

Ebre 5:14

Me nouritir solid i pour bann adilt ki, avek leksperyans, zot konn disernen ant sa ki byen ek sa ki mal.

Efezyen 5:17

Pour sa rezon, pa bezwen viv koman bann fou, me fer tou zot posib pour zot konpran koman Senyer i oule zot azir.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

1 Tesalonisyen 4:1

Anfen, mon bann frer ek ser! Zot in aprann avek nou, koman zot devre konport zot pour fer plezir Bondye. Zot pe fer li deza; me esey fer pli byen ankor.

Liv Zob 17:9

Sa enn ki zis i reste ferm dan son semen. Sa enn ki son lanmen i prop i vin pli determinen.

Psonm 119:66

Ansenny mwan pour mwan ganny en bon disernman ek konnesans, akoz mon fer konfyans ou komannman.