Filipyen 1:8 - Labib An Kreol Seselwa

⁸ Bondye i mon temwen ki mon kontan zot avek sa profon lafeksyon Zezi-Kri.

Filipyen 1:8 Referans Kwoze

Filipyen 4:1

Mon bann frer e ser! Mon telman anvi revwar zot! Zot menm ki mon lazwa, mon kouronn laviktwar. Alor, mon bann zanmi! Reste ini, fidelman avek Senyer.

Romen 1:9

Bondye ki mon servi avek tou mon leker an anonsan Bonn Nouvel son Garson, i temwen ki tou sa ki mon pe dir i vre: I konnen ki mon touzour mazin zot

2 Timote 1:4

Mon rapel ou bann larm e mon annan en gran dezir war ou, pour ki mon leker ava ranpli avek lazwa.

1 Tesalonisyen 2:8

Akoz nou lafeksyon pour zot, nou ti pare pour anons zot non selman Bonn Nouvel Bondye, me osi donn nou prop lavi pour zot, akoz nou lanmour pour zot i gran.

Romen 9:1

Ini avek Kris, mon pe dir laverite; mon pa pe koz manti. Mon konsyans, gide par Lespri Sen i rann temwannyaz avek mwan.

Filemon 1:12

Aprezan, ki i'n vin en parti mwan menm, mon pe fer li retourn kot ou.

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Kolosyen 2:1

Mon oule fer zot konnen ki mannyer mon pe lite pour zot, pour bann ki reste Laodise e pour tou bann ki pa konn mwan personnelman.

Galat 4:19

Mon bann zanfan! Mon pe soufer ankor pour zot, parey en fanm ki pe akouse, ziska ki Kris in fini formen dan zot.

Galat 1:20

Sa ki mon pe ekri la, mon dir li devan Bondye, mon pa pe manti.

2 Korentyen 7:15

Annefe, son lafeksyon pour zot in vin pli gran ankor ler i mazin zot lobeisans, e ki mannyer zot ti resevwar li avek bokou respe.

2 Korentyen 6:12

Nou pa'n refiz zot nou lafeksyon; se zot ki'n ferm zot leker.

Levanzil dapre Lik 1:78

Gras a labonte nou Bondye, son lalimyer pou ekler nou depi lao dan lesyel.

Ezai 63:15

Port atansyon depi lesyel ki ou demer sen e glorye. Oli ou lanmour ek ou lafors? Oli ou leker ranpli avek konpasyon? Mon pa merit tousala.

Ezai 16:11

Alor, konmsi en laarp anndan mwan pe plennyen lo Moab, mon leker i plere pour Kir Eres.

1 Zan 3:17

Si en dimoun ki annan plis ki ase dekwa viv, i war son frer dan bezwen me i ferm son leker, ki mannyer i kapab dir ki i kontan Bondye?

Filemon 1:20

Wi, mon frer! Pour lanmour Senyer, akord mwan sa faver. Koman en frer dan Kris, met en pe lazwa dan mon leker.

1 Tesalonisyen 2:5

Zot konnen ki nou pa'n zanmen servi bann parol flater. Bondye i nou temwen, nou pa'n esey tronp zot avek larzan.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

Filipyen 2:26

I byen anvi revwar zot tou; i trakase akoz zot ti'n aprann ki i ti malad.

Filipyen 2:1

Si Kris i rann zot pli for, si son lanmour i donn zot kouraz? Si son lespri i ini zot. Si zot annan lafeksyon ek labonte pour kanmarad.

2 Korentyen 13:9

Nou rezoui kan nou feb, tandis ki zot, zot for. Nou priye ki zot vin touzour pli parfe.

Liv Zob 16:19

Menm dan sa moman, mon annan en temwen dan lesyel; sa enn ki garanti mwan i lao.

Galat 3:26

Annefe, par lafwa ki ini zot avek Zezi-Kri, zot tou, zot zanfan Bondye.