Filipyen 1:7 - Labib An Kreol Seselwa

⁷ I normal ki mon annan en tel santiman anver zot tou. Annefe, zot tou, zot annan en plas spesyal dan mon leker. Zot tou, zot partisip dan sa don ki Bondye in akord mwan, ozordi ki mon dan prizon, parey yer, kan mon ti pe defann Bonn Nouvel e anons li avek kouraz.

Filipyen 1:7 Referans Kwoze

2 Korentyen 7:3

Mon pa pe dir sa pour kondann personn. Annefe, parey mon'n deza dir: Zot dan nou leker pour lavi e pour lanmor.

Filipyen 1:5

Annefe, depi premye zour ziska ozordi, zot in ed mwan pour repann Bonn Nouvel.

2 Timote 2:9

Se pour sa Bonn Nouvel ki mon pe soufer e menm ganny ansennen koman en bandi. Me Parol Bondye pa ganny ansennen.

Kolosyen 4:18

Mon pe ekri sa let avek mon prop lanmen: Konpliman sorti kot Pol. Rapel zot ki mon ansennen dan prizon. Mon demande ki lagras Bondye ava avek zot tou.

Filipyen 4:14

Sepandan, zot in byen fer pour pran par dan mon bann difikilte.

Efezyen 6:20

Menm si mon prizonnyen, mon en anbasader Bonn Nouvel. Priye pour ki mon ava kapab koz avek lasirans ki fodre.

Efezyen 3:1

Pour sa rezon, mwan Pol, mon prizonnyen Zezi-Kri pour zot, bann non-Zwif.

Akt de Zapot 20:23

Sel keksoz ki mon konnen, se ki dan sak lavil ki mon'n traverse, Lespri Sen in averti mwan ki prizon ek persekisyon pe esper mwan.

1 Zan 3:14

Nou konnen ki nou'n sorti dan lanmor pour pas dan lavi. Nou konn sa, akoz nou kontan nou frer. Sa enn ki pa kontan, i ankor anba pouvwar lanmor.

2 Pyer 1:13

Mon krwar i mon devwar, tan ki mon ankor vivan, rapel zot sa bann keksoz.

1 Pyer 4:13

Okontrer, zot devre kontan ki zot pe partisip dan soufrans Kris. Konmsa, zot osi, zot ava ranpli avek lazwa, kan son laglwar ava ganny revele.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

2 Timote 1:8

Pa bezwen onte pour temwanny an faver nou Senyer, ni an mon faver, mwan ki son prizonnyen. O kontrer, aksepte pour soufer avek mwan pour Bonn Nouvel an kontan lo pwisans Bondye.

1 Tesalonisyen 5:5

Annefe, zot tou, zot bann zanfan lalimyer, bann zanfan lizour. Nou pa fer parti lannwit ni fernwanr.

Kolosyen 4:3

Anmenmtan, priy osi pour nou, pour ki Bondye i ouver en laport favorab pour nou proklanm son mesaz e anons sekre Kris. Annefe, pour sa rezon ki mon dan prizon ozordi.

Efezyen 4:1

Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

2 Korentyen 3:2

Zot menm ki nou let rekomandasyon ki'n ganny ekri lo nou leker, e ki tou dimoun i kapab konnen e lir.

1 Korentyen 13:7

Lanmour i pardonn tou, i krwar tou, i esper tou, i siport tou.

1 Korentyen 9:23

Mon fer tousala pour Bonn Nouvel, pour ki mon ava ganny en par dan bann byen ki i promet.

Akt de Zapot 21:33

Alor komandan ti apros Pol e fer aret li. I ti donn lord pour atas li avek de lasenn. Apre, i ti demande lekel li e ki i ti'n fer.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

Filipyen 1:12

Mon bann frer ek ser! Mon oule ki zot konnen: Sa ki'n arive avek mwan, in kontribye pour fer progrese Bonn Nouvel.

Filipyen 1:13

Annefe, tou bann gard dan pale e dan lezot landrwa in konnen ki mon dan prizon akoz mon pe servi Kris.

Filipyen 1:14

Alor, pandan mon letan dan prizon, konfyans laplipar bann frer in ogmante. Deplizanpli, zot in vin pli brav pour anons mesaz Bondye san okenn lafreyer.

Filipyen 2:22

Zot konnen zot menm ki mannyer Timote in montre son fidelite: I'n travay avek mwan, dan servis Bonn Nouvel, parey en garson avek son papa.

Filipyen 4:3

E ou osi, mon fidel koleg travay, mon demann ou, ed sa bann fanm. Ansanm avek Kleman ek lezot koleg travay ki zot non in ekri dan liv lavi, zot in konbat avek mwan pour anons Bonn Nouvel.

Filipyen 4:15

Annefe, zot bann Filipyen, zot konn tre byen: Kan mon ti kit Masedwann, lepok ki nou ti'n fek konmans anons Bonn Nouvel, okenn lot Legliz pa ti ed mwan. Zot sel Legliz ki an solidarite, ti partaz tou avek mwan.

Filemon 1:13

Mon ti ava byen kontan gard li avek mwan, pour ed mwan dan ou plas, pandan ki mon dan prizon akoz Bonn Nouvel.