Filipyen 1:6 - Labib An Kreol Seselwa

⁶ Mon sir ki Bondye ki'n konmans sa bon travay parmi zot, ava kontinyen fer li ziska ki i ganny konplete, zour ki Zezi-Kri ava retournen.

Filipyen 1:6 Referans Kwoze

Filipyen 2:13

Annefe, Bondye i travay dan zot. I donn zot lavolonte e i rann zot kapab pour akonpli tou, dapre son prop plan.

Efezyen 4:12

Konmsa ki i'n prepar pep Bondye pour akonpli son servis e fer grandir lekor Kris.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

Psonm 138:8

SENYER pou fer tou pour mwan. SENYER! Ou fidelite i dire pour touzour. Pa abandonn sa enn ki ou lanmen in fer.

1 Korentyen 1:8

Li menm ki pou gard zot for e san repros, ziska lafen, pour sa zour nou Senyer Zezi-Kri.

2 Tesalonisyen 1:11

Pour sa rezon ki nou priy toultan pour zot. Nou demann Bondye pour rann zot diny pour sa lavi ki i ofer zot. Nou demande ki par son pwisans, i realiz tou zot dezir pour fer sa ki byen e rann zot lafwa aktif.

Ebre 10:35

Alor, pa perdi konfyans e zot ava ganny en gran rekonpans.

Levanzil dapre Zan 6:29

Zezi ti reponn zot, “Travay Bondye se ki zot krwar dan sa enn ki in anvoye.”

Filipyen 1:10

pour zot kapab disern sa ki byen. Konmsa, zot ava pir e san repros zour retour Kris.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

Filemon 1:21

Pandan ki mon pe ekri ou, mon kont lo ou lobeisans; e mon annan en gran konfyans ki ou pou fer bokou plis ki sa.

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

2 Tesalonisyen 3:4

Senyer i donn nou sa lasirans lo zot size: Nou sir ki zot pe fer e ki zot pou kontinyen fer sa ki nou'n demann zot.

Kolosyen 2:12

Annefe, kan zot ti ganny batize, zot ti'n ganny met dan tonbo avek Kris. Zot in krwar dan pwisans Bondye ki'n resisit li dan pouvwar bann mor.

2 Korentyen 7:16

Mon annan bokou lazwa akoz mon kapab kont lo zot.

Akt de Zapot 11:18

Apre ki zot ti'n antann sa bann parol, zot ti reste trankil e zot ti rann glwar Bondye. Zot ti dir: Alor i vre ki Bondye in donn bann ki pa Zwif, posibilite pour sanz zot fason viv e resevwar sa nouvo lavi!

Akt de Zapot 16:14

Parmi bann ki ti ekout nou, ti annan en fanm ki ti apel Lidi. I ti sorti dan lavil Tyatir e i ti en marsan latwal kouler rouz. I ti en fanm ki ti ador Bondye. Senyer ti ouver son lespri pour li ekout byen tou sa ki Pol ti pe dir.

Galat 5:10

Sepandan, mon annan konfyans dan Senyer pour sa ki konsern zot: Zot ava mazin parey mwan. Me sa dimoun ki pe trouble zot, pou ganny son pinisyon.

2 Pyer 3:10

Pourtan, Zour Senyer pou arive koman en voler. Sa zour, lesyel pou disparet avek en gran fraka; bann zetwal pou fonn dan dife. Later avek tou aksyon bann zabitan, pou ganny zize.

2 Korentyen 9:4

Fodre pa ki kan sa bann Masedonyen ki akonpanny mwan i vini, zot war ki zot pa pare. Sa i ava fer nou onte, nou ki annan telman lasirans lo zot size; san kont laont ki pou tonm osi lo zot!

2 Korentyen 2:3

La rezon akoz mon'n ekri zot sa let: Mon pa ti oule, ler mon ti ava ariv se zot, ki sa bann dimoun ki ti devre donn mwan lazwa, zot rann mwan tris. Annefe, mon konvenki ki ler mon dan lazwa, zot osi zot ere.

2 Korentyen 1:15

Se avek en tel konfyans ki mon ti oule vin kot zot dabor, pour ki zot ganny lagras ankor en dezyenm fwa.

Filipyen 2:12

Mon bann zanmi! Zot in touzour obei mwan kan mon ti parmi zot. Aprezan ki mon lwen avek zot, kontinyen obeir plis ankor. Travay avek limilite ek respe pour zot ganny sove.

Filipyen 2:16

akoz zot port parol lavi. Sa i ava rann mwan fyer zour Kris ava retournen, akoz mon pa ava'n travay pour nanryen.