Filipyen 1:21 - Labib An Kreol Seselwa

²¹ Annefe, pour mwan, lavi se Kris e lanmor i en gen.

Filipyen 1:21 Referans Kwoze

Galat 2:20

nepli mwan ki pe viv, me Kris ki pe viv dan mwan. Lavi ki mon annan aprezan, mon viv li par lafwa dan Garson Bondye ki'n kontan mwan. Li menm ki'n donn son lavi pour mwan.

2 Korentyen 5:8

Wi! Nou ranpli avek kouraz e nou ti ava prefere kit sa lekor pour nou al viv avek Senyer.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Filipyen 1:23

Mon ganny trennen dan de kote: Mon ti ava kontan kit sa lavi pour al avek Kris. Sa ti ava preferab.

Kolosyen 3:4

Kan Kris, zot vre lavi ava aparet, alor, zot osi, zot ava aparet avek li e pran par dan tou son laglwar.

2 Korentyen 5:6

Alor, nou touzour ranpli avek kouraz. Nou konnen ki tan ki nou pe viv dan sa lekor, nou ankor lwen avek Senyer.

Filipyen 1:20

Mon pli gran dezir e mon lespwar, se ki mon pa zanmen onte. O kontrer, ranpli avek kouraz, vivan oubyen mor, mon pou fer loner Kris, dan mon lekor.

Revelasyon 14:13

Mon ti antann en lavwa sorti dan lesyel ki ti dir: Ekri: Byennere aprezan, bann dimoun ki mor an kominyon avek Senyer! Lespri i dir: Wi! Zot kapab repoze apre zot travay, akoz zot bann aksyon i swiv zot.

Galat 6:14

Kanta mwan, mon oule vant mon lekor zis dan lakrwa nou Senyer Zezi-Kri. Annefe, gras a lakrwa ki lemonn in ganny krisifye pour mwan, e mwan pour lemonn.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

Filipyen 2:21

Tou lezot i rod zot prop lentere e pa lakoz Zezi-Kri.

1 Korentyen 3:22

Pol, Apolos, Pyer, lemonn, lavi, lanmor, ozordi, demen, tou i pour zot.

Filipyen 1:22

Si mon kontinyen viv, mon kapab fer keksoz itil, sepandan, mon pa konnen ki mon pou swazir.