Filipyen 1:11 - Labib An Kreol Seselwa

¹¹ Alor, zot lavi ava ranpli avek bann fri lazistis ki Zezi-Kri i prodwir, pour mazeste ek louanz Bondye.

Filipyen 1:11 Referans Kwoze

Ebre 12:11

O konmansman, tou koreksyon pa sanble donn lazwa, me latristes. Me plitar, pour tou bann ki ganny disiplinen, i prodwi lape ek lazistis.

Levanzil dapre Zan 15:8

La koman laglwar mon Papa i ganny manifeste: Kan zot raport bokou fri e kan zot montre ki zot mon disip.

Kolosyen 1:10

Konmsa, zot ava kapab viv en lavi ki Bondye i aprouve e ki fer li plezir dan tou sa ki zot fer. Konmsa, par zot bann bon aksyon, zot ava prodwir fri e progrese dan konnesans Bondye.

Filipyen 4:17

Sa pa vedir ki mon pe rod kado. Sa ki mon pe rode, se ki zot fer en benefis.

Kolosyen 1:6

Mesaz Bonn Nouvel i kontinyen repann e raport fri dan lemonn antye, parey in fer parmi zot, depi sa zour ki pour premye fwa, zot ti antann koz lo lagras Bondye e konnen ki i ete vreman.

Romen 6:22

Me aprezan zot in ganny libere avek pese, e zot in vin dan servis Bondye. Zot pe prodwi fri en lavi sen e son rekonpans final se lavi eternel.

Ezai 61:11

Akoz parey later i fer lagrenn zermen, parey en zarden i fer pouse son bann legren, Senyer BONDYE pou fer lazistis ek louanz zermen devan tou bann nasyon.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

2 Tesalonisyen 1:12

Alor, non nou Senyer Zezi ava ganny glorifye par zot, e Senyer ava onor zot. Tousala i en don ki sorti kot nou Bondye, ek Senyer Zezi-Kri.

Efezyen 5:9

akoz lalimyer i prodwi bokou kalite: Labonte, ladrwatir, ek laverite.

Efezyen 1:14

Lespri Sen i garanti sa ki'n ganny rezerve pour nou. I asir nou ki nou pou pran posesyon kan nou delivrans ava konplet. Alor, annou loue Bondye dan son laglwar!

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

Matye 5:16

Konmsa ki zot lalimyer i devre klere devan tou dimoun, pour ki zot war byen zot bann bon aksyon e loue zot Papa ki dan lesyel.

1 Pyer 4:14

Si zot ganny maltrete akoz non Kris, zot devre ere, akoz Lespri laglwar, Lespri Bondye i repoz lo zot.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Efezyen 1:12

Nou ki ti bann premye pour met nou lesperans dan Kris, annou loue Bondye dan son grander!

2 Korentyen 9:10

Bondye ki fourni senmer avek lagrenn, e ki donn dipen ki nouri li, ava fourni zot avek bann lagrenn ki zot bezwen. I ava fer zot pouse e ogmant zot rekolt, fri zot zenerozite.

Levanzil dapre Zan 15:16

Pa zot ki'n swazir mwan, me mwan ki'n swazir zot e etabli zot pour ale e raport bokou fri, bann fri ki pou dire. Mon Papa i ava donn zot nenport kwa ki zot demande an mon non.

Levanzil dapre Zan 15:2

Tou brans ki atase avek mwan e ki pa raport fri i ganny koupe. Tou brans ki raporte, i tay zot pour ki zot raport ankor plis fri.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Ezai 5:2

I ti travay later e tir tou ros; i ti plant en zoli plan rezen. I ti konstri en tour dan milye. I ti fouy en gran basen kot rezen pou ganny kraze. I ti pe espere ganny bon rezen, me i ti ganny rezen eg.

Romen 15:28

Kan mon ava'n fini fer sa, e mon ava'n remet zot larzan souskripsyon, mon pou al Lespany an pasan kot zot.

Let Pol pour bann Tit 3:14

Nou bann zans osi i bezwen aprann fer bann bon aksyon. Konmsa, zot ava kapab fer fas avek bann sityasyon irzan e pa viv en lavi initil.