Filipyen 1:10 - Labib An Kreol Seselwa

¹⁰ pour zot kapab disern sa ki byen. Konmsa, zot ava pir e san repros zour retour Kris.

Filipyen 1:10 Referans Kwoze

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

1 Tesalonisyen 3:13

I ava fortifye zot leker e rann zot sen e parfe devan Bondye nou Papa, pour sa zour ki nou Senyer Zezi ava retournen avek tou son bann ki i'n konsakre pour li. Amenn.

1 Tesalonisyen 5:23

Bondye ki donn lape, ava konsakre zot konpletman. I ava gard zot lespri, zot lekor ek zot et antye san repros pour retour nou Senyer Zezi-Kri.

Romen 2:18

ou konnen sa ki Bondye i demann ou fer. Lalwa in montre ou ki mannyer pour ou swazir sa ki byen.

Efezyen 5:10

Konn disern sa ki fer plezir Senyer.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

Filipyen 1:6

Mon sir ki Bondye ki'n konmans sa bon travay parmi zot, ava kontinyen fer li ziska ki i ganny konplete, zour ki Zezi-Kri ava retournen.

1 Tesalonisyen 5:21

me egzamin tou keksoz. Gard sa ki bon,

1 Korentyen 1:8

Li menm ki pou gard zot for e san repros, ziska lafen, pour sa zour nou Senyer Zezi-Kri.

Revelasyon 2:2

Mon konn tou ou bann aktivite, mon konn ou travay ek ou perseverans. Mon konnen ki ou pa kapab toler bann malfeter. Ou'n teste bann ki apel zot lekor zapot, me ki an realite pa vre, e ou'n dekouver ki zot bann manter.

Efezyen 5:27

I'n oule prezant Legliz devan li sen, san defo, san okenn tas, ni rid, dan laperfeksyon total.

Levanzil dapre Zan 1:47

Kan Zezi ti war Natanael pe vin kot li, i ti dir, “La en vre Izraelit ki fran.”

Matye 16:23

Me Zezi ti tournen. I ti dir li, “Ale! Sorti la, Satan! Ou en lobstak dan mon semen. Sa ki ou pe mazinen pa sorti kot Bondye, me kot zonm.”

Zozye 24:14

Aprezan, annan respe pour SENYER, e servi li senserman e avek fidelite. Detri bann bondye ki zot zanset ti servi ler zot ti lot kote larivyer Efrat e Lezip; servi SENYER.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Romen 12:9

Lanmour i devre senser. Deteste sa ki mal e reste atase avek sa ki byen.

Romen 8:7

Si en dimoun i les li ganny kontrole par son natir imen, i vin lennmi Bondye. Annefe, i pa soumet li avek Lalwa Bondye e i menm enkapab fer li.

Matye 26:33

Pyer ti dir Zezi, “Menm si tou lezot i abandonn ou, mwan mon pa pou zanmen abandonn ou!”

Mise 3:2

Me zot ay sa ki byen e zot kontan sa ki mal. Zot aras lapo lo mon pep, ek laser lo zot lezo.

Liv Zob 34:3

Zorey i apresye parol, parey pale i apresye manze.

Liv Zob 12:11

Pa nou dir ki zorey i ekout koze, parey pale i gout manze?

Zenez 20:5

Pa Abrahanm ki'n dir: I mon ser? Pa Sara ki ti dir: I mon frer? Mon'n azir avek en leker kler e avek en lanmen inosan.”

Filipyen 1:16

Sa bann dimoun, zot fer li avek lanmour, akoz zot konnen ki mon'n ganny met dan prizon pour defann Bonn Nouvel.

Efezyen 6:24

Mon demande ki lagras Bondye ava avek tou bann ki kontan nou Senyer Zezi-Kri avek en lanmour ki pa zanmen sanze.

Efezyen 4:15

O kontrer, kan nou dir laverite avek lanmour, nou ava grandi dan tou fason ver Kris, nou sef.

Galat 5:11

Kanta mwan, mon bann frer, si ti vre ki mon pe ankor pres lo sirkonsizyon, akoz alor, mon kontinyen ganny persekite? Dan sa ka alor, anons Kris krisifye lo lakrwa, nepli en skandal pour personn!

2 Korentyen 8:8

Mon pa pe donn zot en lord, me mon pe teste senserite zot lanmour e konpar zot devouman avek sa ki pour lezot.

2 Korentyen 6:3

Nou pa oule plas okenn lobstak devan personn, pour ki nou servis pour Bondye pa ganny blanmen.

2 Korentyen 2:17

Nou pa parey sa kantite lezot dimoun ki fer komers avek Parol Bondye. O kontrer, akoz Bondye ki'n anvoy nou, nou koz avek senserite delapar Bondye, devan Bondye, ini avek Kris.

1 Korentyen 10:32

Viv dan en fason ki ou pa ofans personn, ni Zwif, ni non-Zwif, ni personn dan Legliz Bondye.

1 Korentyen 8:13

Alor, si sa ki mon manze i fer mon frer tonm dan pese, mon pa pou zanmen manz lavyann ankor, pour mwan pa fer mon frer tonbe.

Romen 16:17

Mon demann zot, frer ek ser, fer atansyon avek sa bann ki senm divizyon ek dezord kontrerman avek lansennyman ki zot in gannyen. Evit bann tel dimoun.

Romen 7:22

Dan mwan menm, koman en zonm, mon ganny plezir dan Lalwa Bondye.

Romen 7:16

Alor, si mon fer sa ki mon pa oule, sa i montre ki mon dakor avek Lalwa e mon rekonnet ki i bon.

Akt de Zapot 24:16

Pour sa rezon, mon fer touzour tou mon posib pour annan en konsyans kler devan Bondye e devan tou dimoun.

Levanzil dapre Zan 3:20

Annefe, sa enn ki fer sa ki mal, pa kontan lalimyer e i pa vin dan lalimyer, akoz i pa oule ki son move aksyon i ganny demaske.

Filipyen 2:16

akoz zot port parol lavi. Sa i ava rann mwan fyer zour Kris ava retournen, akoz mon pa ava'n travay pour nanryen.