Filemon 1:4 - Labib An Kreol Seselwa

⁴ Mon touzour remersye mon Bondye dan mon lapriyer lo ou size.

Filemon 1:4 Referans Kwoze

Romen 1:8

Avan tou, mon remersye Bondye, par Zezi-Kri, pour zot tou, akoz lemonn antye i koz lo zot lafwa.

Efezyen 1:16

mon pa zanmen aret remersye Bondye lo zot size. Mon mazin zot dan mon lapriyer.

2 Timote 1:3

Mon remersye Bondye ki mon servi avek en konsyans pir, parey mon bann zanset ti fer. Mon remersye li sak fwa ki mon mazin ou dan mon lapriyer, aswar koman lizour.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

1 Tesalonisyen 1:2

Nou touzour remersye Bondye lo zot size e nou touzour mansyonn zot dan nou lapriyer.

Kolosyen 1:3

Kan nou priy pour zot, nou touzour remersye Bondye, e Papa nou Senyer Zezi-Kri.

Filipyen 1:3

Mon remersye mon Bondye pour zot, sak fwa ki mon mazin zot.

Filemon 1:5

Annefe, mon antann koz lo lanmour ki ou annan pour tou bann krwayan, ek ou lafwa dan nou Senyer Zezi.