Filemon 1:16 - Labib An Kreol Seselwa

¹⁶ Non pa ankor koman en senp lesklav, me pli bon ki en lesklav: Koman en frer byenneme. Pour mwan, i spesyal. Me pour ou, i devre et plis ankor, pa selman koman en et imen, me osi koman en kretyen.

Filemon 1:16 Referans Kwoze

Kolosyen 3:22

Serviter! Obei zot bann met lo later dan tou keksoz. Pa fer li zis kan zot met i war zot, zis pour fer plezir, me fer li avek en leker senser, par respe pour Senyer.

Matye 23:8

Me zot, pa fer personn apel zot ‘Met’, akoz zot annan en sel Met e zot tou zot frer.

1 Timote 6:2

Bann lesklav ki zot met i krwayan, fodre pa ki zot mank respe anver li, anba preteks ki zot frer. O kontrer, zot devre servi sa bann met pli byen ankor, akoz sa ki pe benefisye zot servis, zot bann krwayan ki Bondye i kontan. La sa ki ou devre ansennyen e rekomande:

1 Korentyen 7:22

Enn ki'n ganny apele pour Senyer koman en lesklav, i vin en zonm lib pour Senyer, e en zonm ki lib kan i ganny apele, i vin lesklav Kris.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Akt de Zapot 9:17

Alor, Ananyas ti ale. I ti ariv dan sa lakaz kot i ti enpoz lanmen lo Sol. I ti dir li, “Sol, mon frer! Senyer Zezi ki ti aparet avek ou lo semen kan ou ti pe vini, i'n anvoy mwan kot ou pour ki ou revwar kler e ki ou ranpli avek Lespri Sen.”

1 Zan 5:1

Sa enn ki krwar ki Zezi i Kris, i en zanfan Bondye. Sa enn ki kontan en papa, i osi kontan son bann zanfan.