Ester 9:28 - Labib An Kreol Seselwa

²⁸ Zot devre rapel sa bann zour e i devre ganny obzerve zenerasyon apre zenerasyon, dan sak fanmir, provens, lavil. Sa bann zour Pourim pa devre zanmen ganny abandonnen parmi bann Zwif; son lobzervasyon pa devre ganny abandonnen parmi zot desandans.

Ester 9:28 Referans Kwoze

Psonm 103:2

Mon loue SENYER! Mon pa pou oubliy okenn son bann benediksyon!

Zozye 4:7

Zot ava reponn ki delo larivyer Zourden ti koup an de devan Kof Lalyans SENYER. Kan Kof ti pas dan larivyer Zourden, delo Zourden ti koup an de. Konmsa, sa bann ros ava vin en memoryal pour bann Izraelit.

Zakari 6:14

Kouronn ava servi koman en memoryal dan tanp SENYER, an souvenir Heldai, Tobiya ek Yedaya. I pou osi rapel labonte garson Sofoni.

Egzod 12:17

Zot ava obzerv lafet Dipen san lelven, akoz sa zour, mon ti fer sorti zot pep dan Lezip. Alor, zot ava obzerv sa zour koman en lalwa pour touzour pour tou bann zenerasyon.

Ester 9:27

bann Zwif ti etabli e aksepte sa koutim ki pa devre zanmen sanze pour zot e zot bann desandan ki ava vin Zwif: San fot, zot pou gard sa de zour, dapre sa ki'n ganny ekri e dan menm lepok sak lannen.

Ester 9:29

Alor, larenn Ester, fiy Abihail, avek Zwif Mardose, ti ekri en dezyenm let, pour konfirm avek tou zot lotorite, sa let konsernan Pourim.

Psonm 145:4

Zenerasyon apre zenerasyon pou loue ou bann mervey; zot pou rakont ou bann aksyon merveye.