Ester 9:17 - Labib An Kreol Seselwa

¹⁷ Sa ti ariv trezyenm zour mwan Adar. Katorzyenm zour, zot ti repoze, fer lafet e selebre.

Ester 9:17 Referans Kwoze

Ester 9:1

Trezyenm zour dan douzyenm mwan ki mwan Adar, kan lord ek lalwa lerwa ti devre vin anfors, zour ki bann lennmi bann Zwif ti sipoze ganny pouvwar lo zot, ti arive ki se bann Zwif ki ti ganny pouvwar lo zot bann lennmi.

Ester 9:21

I ti demann zot obzerv katorzyenm zour mwan Adar ensi ki kenzyenm zour sa mwan, toulezan,

Ester 9:18

Me bann Zwif ki ti dan Siz ti rasanble le 13 ek le 14; zot ti repoze le 15. Sa zour, zot ti fete e selebre.

Ester 8:9

Sa menm zour, venntrwazyenm zour dan trwazyenm mwan ki mwan Sivan, bann sekreter lerwa ti ganny konvoke. En lalwa ti ganny ekri lo tou sa ki Mardose ti dir konsernan bann Zwif, e adrese avek bann reprezantan lerwa, bann gouverner ek bann fonksyonner enportan dan tou bann provens, depi Lenn ziska Letyopi; 127 provens an tou, sak provens dapre son prop lekritir e sak pep dan son prop langaz e pour tou bann Zwif osi, dapre zot prop lekritir e zot prop langaz.

Ester 3:12

Trezyenm zour premye mwan, bann sekreter lerwa ti ganny konvoke. Parey sa ki Haman ti'n ordonnen, en lord ti ganny ekri e anvoye kot tou bann reprezantan lerwa e bann gouverner dan tou bann provens e kot tou bann sef parmi lepep, kot sak nasyon dapre son lekritir ek son langaz. Sa lord ti'n ganny ekri e sinyen o non lerwa Zerzes e sele avek stanp lerwa.