Ester 8:14 - Labib An Kreol Seselwa

¹⁴ Alor, bann mesaze, lo bann seval deras ki ganny swannyen dan lekiri lerwa, ti depese lo lord lerwa. Sa lalwa ti ganny kominike dan lavil kapital Siz.

Ester 8:14 Referans Kwoze

Danyel 8:2

Dan sa vizyon, mon ti war mwan dan lavil Siz, ki dan provens Elanm, obor larivyer Oulai.

Ester 3:15

Bann mesaze ti al toudswit, lo lord lerwa. Dekre ti ganny pibliye dan Siz, lavil kapital. Lerwa avek Haman ti asize pour bwar, tandis ki lavil Siz ti dan boulvers.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Ester 2:3

Nonm bann enspekter dan tou bann provens ou rwayonm, pour zot rasanble bann zoli zenn fiy vyerz, pour met dan lakour rwayal ki dan kapital Siz, anba sirveyans Hegai, enik lerwa ki annan responsabilite tou son bann fanm; fourni zot avek tou zot bann prodwi labote.

Ester 1:2

Dan sa lepok, lerwa Zerzes ti renny lo son tronn rwayal dan Siz, son kapital.

Nehemi 1:1

Parol Nehemi, garson Hakalya. Pandan mwan Kislev, dan ventyenm lannen, letan ki mon ti Siz, lavil kapital,

1 Samyel 21:8

David ti dir Abimelek, “Eski ou annan en lans ouswa en lepe isi? Mon pa'n anmenn ni mon lepe, ni mon zarm, akoz misyon lerwa ti irzan.”

1 Rwa 4:28

Zot ti osi fourni lorz ek zerb pour bann seval, partou kot ti neseser, dapre son lord.

2 Kronik 30:6

Alor, parey lerwa ti'n donn lord, bann mesaze ti al partou atraver Izrael ek Zida avek let sorti kot lerwa ek bann sef: Pep Izrael, retourn kot SENYER, Bondye Abrahanm, Izaak, ek Izrael, pour li retourn ankor ver zot, leres Izrael, ki'n sape dan lanmen bann lerwa Asiri.

Ester 3:13

Sa bann let ki ti ganny anvoye par bann mesaze dan tou bann provens, ti donn lord pour detri, touye e fer disparet tou Zwif, zenn koman vye, fanm ek zanfan, dan en sel zour: Trezyenm zour, dan douzyenm mwan, ki mwan Adar. Permisyon pour fer piyaz zot bann byen ti ganny donnen.

Ester 3:14

En kopi sa dokiman ti ganny pibliye koman en lalwa dan sak provens pour ki tou lepep i pare pour sa zour.

Ester 8:13

En kopi sa let ti ganny pibliye koman en lalwa dan sak provens e ganny anonse avek lepep, e bann Zwif ti pare sa zour, pour revanz zot bann lennmi.

Ester 8:15

Mardose ti sorti devan lerwa abiye dan labi rwayal kouler ble e blan avek en gro kouronn annor, en gran manto an linenn fen, kouler rouz fonse. Dan lavil Siz, ti annan tapaz ek selebrasyon.