Ester 6:9 - Labib An Kreol Seselwa

⁹ Donn sa labi rwayal ek sa seval avek enn bann pli gran fonksyonner parmi bann nob. Fer li abiy sa zonm ki lerwa i oule onore e ki i anmenn li lo seval ziska laplas piblik dan lavil e proklanm devan li: La ki mannyer lerwa i tret sa enn ki i dezire onore.”

Ester 6:9 Referans Kwoze

Zenez 41:43

I ti fer li mont dan kales son asistan e zot ti kriye devan li, “Atansyon! Gouverner pe pase!” Alor, Zozef ti ganny nonmen gouverner Lezip.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Ester 6:6

Haman ti antre, e lerwa ti demann li, “Ki devre fer pour sa enn ki lerwa i anvi onore?” Haman ti dir dan li menm: Lekel sa enn ki lerwa i anvi fer loner plis ki mwan?

Ester 6:10

Alor, lerwa ti dir Haman, “Depese, pran sa bann vetman ek sa seval; al fer parey ou'n dir, anver sa Zwif, Mardose, ki asiz dan lantre pale rwayal. Pa mank okenn detay ki ou'n mansyonnen.”