Ester 4:8 - Labib An Kreol Seselwa

⁸ Mardose ti osi donn li en kopi sa dekre ki ti ordonn destriksyon bann Zwif e ki ti'n ganny pibliye dan Siz, pour li al montre Ester, eksplik li, demann li pour al sipliy lerwa e pled avek li an faver son pep.

Ester 4:8 Referans Kwoze

Eklezyas 10:4

Si ou sef i ankoler kont ou, pa bezwen ki ou kit ou travay! En lespri kalm i evit bann fot grav!

Liv Zob 9:15

Menm si mon inosan, mon pa kapab reponn li. Mon bezwen demann mon ziz pran pitye pour mwan.

Ester 2:20

Ester pa ti ankor fer konnen ni son fanmir, ni son lorizin, parey Mardose ti'n ordonn li. Ester ti egzekit tou lord Mardose parey ler i ti anba son responsabilite.

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

1 Timote 6:13

Mon demann ou devan Bondye ki donn lavi, e devan Zezi-Kri ki ti donn temwannyaz son lafwa devan Pons Pilat:

Akt de Zapot 12:20

Herod ti pran en gran lakoler avek bann zabitan Tir ek Sidon. Alor, sa bann zabitan ti tonm dakor pour al war li. Zot ti ganny dan zot kote Blastis, en zofisye enportan dan servis lerwa, pour al demann lerwa Herod pour fer lape. Annefe, zot pei ti depann lo son rwayonm pour ganny aprovizyonnen.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Ester 8:6

Koman mon kapab siporte ki en tel maler i tonm lo mon pep? Ki mannyer mon kapab war destriksyon mon fanmir?”

Ester 4:9

Hatak ti ale e raport avek Ester tou sa ki Mardose ti'n dir li.

Psonm 122:6

Demann lape pour Zerizalenm. Bann ki kontan ou ava viv trankil.