Esdras 8:25 - Labib An Kreol Seselwa

²⁵ Devan zot, mon ti pez larzan, lor ek bann lobze ki ti'n ganny ofer pour tanp Bondye par lerwa, son bann konseye, bann sef e par pep Izrael antye ki ti prezan.

Esdras 8:25 Referans Kwoze

Esdras 8:33

Katriyenm zour, nou ti fer pez larzan, lor ek bann lobze ti dan tanp nou Bondye, par pret Meremot, garson Ouri, ansanm avek Eleazar, garson Fineas. Ti osi annan bann levit Yozabad, garson Zozye, ek Noadya, garson Binoui.

Esdras 1:8

Siris, lerwa Lapers, ti fer Mitredat ki ti trezorye lerwa, tir tousala, konte e livre zot avek Sesbasar, en sef dan Zida.

Filipyen 4:8

Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.

Esdras 2:69

Zot ti kontribye dapre zot mwayen, pour finans sa konstriksyon: 61,000 pyes lor, 2,500 kilo larzan, ek 100 rob pret.

Nonm 7:85

sak plato annarzan ti pez 1300 granm e sak bol ti pez 700 granm. Tou sa larzan ti pez an tou 24 kilo, dapre pwa sanktyer.