Esdras 6:16 - Labib An Kreol Seselwa

¹⁶ Pep Izrael, bann pret, bann levit ek leres ki ti sorti annegzil, ti selebre avek bokou lazwa dedikas tanp Bondye.

Esdras 6:16 Referans Kwoze

2 Kronik 7:5

Lerwa Salomon ti ofer an sakrifis 22,000 bef ek 120,000 mouton. Konmsa ki lerwa ek tou lepep ti konsakre tanp Bondye.

1 Rwa 8:63

Salomon ti ofer en sakrifis lape; i ti ofer SENYER 22,000 bef ek 120,000 mouton koman sakrifis lape. Alor, lerwa ek pep Izrael antye ti konsakre Lakaz SENYER.

Filipyen 4:4

Reste touzour dan lazwa, ini avek Senyer. Mon repete: Reste dan lazwa.

Levanzil dapre Zan 10:22

Ti dan sezon liver. Dan Zerizalenm, zot ti pe selebre lafet dedikas Tanp.

Psonm 122:1

Mon ti dan lazwa kan zot ti dir mwan: Annou al dan tanp SENYER.

Esdras 6:22

Answit, pandan set zour, zot ti selebre dan lazwa lafet Dipen san lelven, akoz SENYER ti'n donn zot lazwa e i ti'n tous leker lerwa Lasiri dan zot faver. Sa ti ed zot dan travay tanp Bondye Izrael.

Nehemi 7:73

Alor, bann pret, bann levit, bann portye, bann santer, ek serten parmi lepep, bann serviter tanp ek pep Izrael antye ti enstal zot dan zot lavil. Ler setyenm mwan ti arive, pep Izrael ti pe reste dan zot lavil.

Esdras 4:1

Bann lennmi Zida ek Benzamen ti tande ki bann ansyen egzile ti pe konstri en tanp pour SENYER, Bondye Izrael.

2 Kronik 30:26

Ti annan gran lazwa dan Zerizalenm, akoz depi Salomon, garson David, lerwa Izrael, pa ti'n zanmen annan en tel selebrasyon dan Zerizalenm.

2 Kronik 30:23

Lasanble antye ti deside pour kontiny lafet pandan ankor set zour e zot ti kontinyen selebre dan lazwa.

1 Kronik 15:28

Alor, Izrael antye ti fer monte Kof Lalyans SENYER avek rezouisans avek rezonnman kor, tronpet, ek senbal, e avek lakonpannyman laarp ek lir.

1 Kronik 9:2

Premye pour etabli dan zot posesyon, dan bann lavil ti bann Izraelit, bann pret, bann levit ek bann serviter tanp.

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Nehemi 12:43

Sa zour, lepep ti ofer en kantite sakrifis, e anmiz zot, akoz Bondye ti'n donn zot en gran lokazyon pour rezouir. Bann fanm avek bann zanfan ti osi dan lazwa; tapaz selebrasyon ti ganny tande lwen an deor Zerizalenm.

Nehemi 8:10

Apre, Esdras ti dir zot, “Ale! Manz bann bon pla gra e bwar bann liker dou; anvoy en pe pour bann ki pa'n prepar nanryen, akoz sa zour i sakre pour nou SENYER. Pa bezwen pran lapenn, akoz lazwa SENYER i zot lafors!”

1 Rwa 8:62

Lerwa Salomon ek pep Izrael antye, ti ofer sakrifis devan SENYER.

Danyel 5:13

Alor, Danyel ti ganny anmennen devan lerwa. Lerwa ti dir li, “Ou menm sa Danyel, enn bann egzile sorti Zida, ki mon papa, lerwa, ti anmennen?

2 Kronik 29:30

Lerwa Ezekyas ek bann sef ki ti avek li, ti donn lord bann levit pour sant ankor an loner SENYER, bann kantik David ek profet Asaf. Zot tou, zot ti sante avek lazwa; zot ti prosternen.

Nehemi 12:27

Pour linogirasyon miray Zerizalenm, zot ti fer apel bann levit dan tou bann landrwa kot zot ti reste pour zot vin Zerizalenm pour selebre linogirasyon dan lazwa par bann san ek lapriyer, avek lakonpannyman senbal, lir ek laarp.