Esdras 4:23 - Labib An Kreol Seselwa

²³ Osito, ki let lerwa Artakzerzes ti ganny lir devan Rehoum ek Simsai ek lezot bann koleg, zot ti depese pour al deswit kot bann Zwif Zerizalenm. Zot ti servi vyolans pour fer aret travay e obliz bann Zwif aret konstriksyon.

Esdras 4:23 Referans Kwoze

Romen 3:15

Zot depese pour fer disan koule.

Mise 2:1

Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.

Proverb 4:16

Bann malfeter pa pou dormi, si zot pa'n fer sa ki mal. Zot perdi sonmey, si zot pa fer personn tonbe.

Esdras 4:17

Lerwa ti anvoy sa larepons: Rehoum, gouverner, Simsai, sekreter, avek tou leres zot bann koleg zabitan Samari ek lezot landrwa dan provens ki lo lot kote larivyer, mon anvoy konpliman.

Esdras 4:7

Pandan renny Artakzerzes, Bislanm, Mitredat, Tabeel ek tou leres son bann asosye, ti ekri Artakzerzes, lerwa Lapers. Sa let ti ganny ekri dan langaz Arameen e i ti ganny tradwir.

Esdras 4:22

Fer byen atansyon, ki zot sever dan sa zafer, pour ki sa problenm pa fer ditor lerwa.

Esdras 4:24

Alor, travay rekonstriksyon tanp dan Zerizalenm ti arete. Sa ti dire ziska dezyenm lannen renny Dariis, lerwa Lapers.