Biblia Todo Logo
Bib sou entènèt

- Piblisite -




Esdras 4:15 - Labib An Kreol Seselwa

15 Konmsa, lerwa ava fer verifye dan bann arsiv ou bann zanset. Ou ava war dan sa bann arsiv ki sa lavil in touzour rebel: I pa'n zanmen arete fer bokou ditor bann lerwa ek bann gouverner provens; depi lontan sa lavil i abitye revolte.

Gade chapit la Kopi




Esdras 4:15
12 Referans Kwoze  

Nou pe fer konnen lerwa, ki bann Zwif ki'n sorti kot ou, in ariv parmi nou, Zerizalenm. Zot pe rekonstri sa lavil rebel e move. Zot pe repar miray e pe rekonstri bann fondasyon.


La sa ki ti'n ekri: I annan en rimer parmi bann nasyon, e Gesenm i konfirmen ki ou, avek bann Zwif, zot annan lentansyon revolte. Pour sa rezon ki ou pe rekonstri sa miray; e dapre sa rapor, oule vin zot lerwa.


Me kan Sanbalat, en Horonit, e Tobiya, en administrater Amonit, ek Gesenm, en Arab, ti aprann sa, zot ti gognard nou e mepriz nou. Zot ti dir, “Ki zot pe fer la? Zot oule revolte kont lerwa?”


Alor, en trou ti ganny ouver dan miray lavil. Lerwa avek tou son bann gerye ti sove dan lannwit par laport ki ti ant sa de miray kot zarden lerwa, menm si bann Babilonyen ti ankor otour lavil. Zot ti sov dan direksyon Araba.


Zerizalenm ek Zida ti provok lakoler SENYER, ziska i ti rezet zot lwen avek li. Sedesyas ti revolte kont lerwa Babilonn.


Annefe, nou dan servis pale rwayal, i pa paret byen ki nou les lerwa ganny dezonore. Alor, nou fer li nou devwar anvoy sa lenformasyon.


Nou pe fer konnen lerwa, kisisa lavil i ganny rekonstri e si son miray i ganny repare, ou pou nepli posed okenn teritwar lo lot kote larivyer Efrat.


En lanket ti prouve ki sa ti vre; sa de zonm ti ganny pann. Sa ti ganny ekri dan Liv Listwar, dan prezans lerwa.


Swiv nou:

Piblisite


Piblisite