Esdras 3:12 - Labib An Kreol Seselwa

¹² Bokou parmi bann pret ek levit, avek bann pli vye sef lafanmir ki ti'n war sa premye tanp, ti plere e kriye kan zot ti war pe poz fondasyon tanp. Me bokou ti pler avek kontantman.

Esdras 3:12 Referans Kwoze

Agze 2:3

Eski i annan parmi zot ki rapel labote sa tanp? Ki mannyer zot trouv li, la aprezan? I pa nanryen ditou, non?

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Ezai 60:22

Parmi zot, sa ki pli pti, pou vin en milye; sa ki pli feb, pou vin en nasyon pwisan. Mwan SENYER, mon pa pou tarde pour realiz tousala dan son letan.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Psonm 126:6

I ale avek larm dan lizye, son sak lagrenn lo son ledo. I retourn dan lazwa avek prodwi son rekolt.

Liv Zob 8:7

Sa ki ou ti posede avan pou nanryen ditou, akoz sa ki ou pou gannyen pou bokou plis.

Esdras 3:13

Lepep an zeneral pa ti kapab distenge ant aklamasyon en bann, avek bann pler lezot. Annefe, sa gran tapaz lepep, ti kapab ganny tande depi tre lwen.

Zeremi 50:4

La sa ki SENYER i deklare: Dan sa bann zour, dan sa letan, bann zabitan Izrael ek bann zabitan Zida, pour retourn ansanm. Zot pou vin rod mwan an pleran, mwan, SENYER, zot Bondye.

Psonm 147:1

Loue SENYER! I bon sant louanz pour nou Bondye! I vreman gou pour loue li akoz i bon.