Eklezyas 4:1 - Labib An Kreol Seselwa

¹ Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Eklezyas 4:1 Referans Kwoze

Eklezyas 3:16

La sa ki mon'n war ankor anba soley: Dan plas lalwa, i annan mesanste; la kot i devre annan lazistis, la ankor, i annan mesanste.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Matye 26:56

Me tousala in arive pour ki Lekritir ek parol bann profet i ganny akonpli.” Alor, tou son bann disip ti abandonn li e sove.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Ezai 51:23

Mon pou met li dan lanmen sa bann ki tourmant ou e ki ti'n dir ou: Dormi ater pour nou kapab mars lo ou! Alor, ou'n fer ou ledo vin parey marspye, parey later lo semen pour zot mars lo la.

Psonm 42:9

Mon demann Bondye, mon Ros protekter: Akoz ou'n oubliy mwan? Akoz mon bezwen reste dan latristes e les mon bann lennmi kraz mwan?

Psonm 42:3

Lizour koman aswar, mon larm i mon sel nouritir. Zot demann mwan: Oli ou Bondye?

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Liv Zob 35:9

Dimoun i kriye akoz sa kantite soufrans lo zot. Zot demann led akoz vyolans bann diktater.

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Malasi 2:13

La ankor sa ki zot fer: Zot vin kouver lotel SENYER avek larm. Zot sanglote e fer gro tapaz, akoz i nepli pran ka, ni aksepte zot lofrann ki zot anmenn kot li.

Eklezyas 7:7

Pouvwar i rann en saz fou; kado i fer perdi bon rezonnman.

Proverb 28:3

En diktater ki oprim bann malere, i parey en gro lapli ki pa les nanryen pou manze apre.

Psonm 142:4

Get lo mon kote drwat, ou ava war: Personn pa rekonnet mwan. Mon napa en labri; personn pa pran ka pour mwan.

Psonm 80:5

Ou'n nouri zot avek dipen ki ti ganny petri dan larm; ou'n fer zot bwar en kantite larm.

Psonm 69:20

Mon leker i fermal afors ganny ensilte; mon dan dezespwar. Mon vin rod senpati, me personn pa pran pitye pour mwan, personn pa'n vin rekonfort mwan.

Liv Zob 16:4

Si zot ti dan mon plas, e si mon ti dan zot plas, mwan osi, mon ti pou kapab koz parey zot. Mon ti ava kapab fer gran diskour pour zot e sekwe mon latet kont zot.

Liv Zob 6:29

Mon sipliy zot, pa persiste akoz i pa byen. Pa kontinyen! Rekonsider sa akoz mon loner.

Ziz 4:3

Pep Izrael ti kriy ver SENYER, akoz Sisera ti annan 900 kales lager an fer e depi 20 an, i ti pe maltret bann Izraelit.

Deterononm 28:48

ou pou servi bann lennmi ki SENYER pou anvoy kont ou dan lafen, laswaf; ou pou touni e mank tou keksoz. I pou met en bar feray lo ou likou ziska ki i fini detri ou.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Egzod 1:16

“Kan zot ava pe asiste en fanm Ebre dan lakousman, si i ganny en pti garson, touy li; me si i ganny en pti fiy les li viv.”

Proverb 19:7

En pov i ganny deteste menm par son bann frer; Anplis, son bann zanmi i les li tonbe. Ler i apel zot pour koz avek zot, zot nepli la.

Eklezyas 8:9

Mon'n obzerve tousala e mon'n reflesi lo tou sa ki pase anba soley. Zonm i domin lo son kanmarad pour fer son maler.

Zeremi 16:7

Personn pa pou ofer manze dimoun ki an dey, ni rekonfort li dan son lapenn. Personn pa pou donn zot keksoz pour bwar, menm si i zot papa oubyen zot manman ki'n mor.

Lamantasyon 1:16

Se pour sa bann rezon ki mon pe plere. Mon lizye pe noye dan larm, akoz mon konsolater, sa enn ki kapab redonn mwan lavi, in abandonn mwan. Napa okenn lavenir pour mon bann zanfan, akoz lennmi in ranport laviktwar.

Liv Zob 9:24

I les dimoun malonnet pran pouvwar lo later. I ferm lizye bann ziz. Si pa Bondye ki fer sa, dir mwan lekel alor!

Psonm 69:21

Zot donn mwan pwazon pour manze. Ler mon ti swaf, zot ti donn mwan vineg pour bwar.

Psonm 142:5

SENYER! Mon kriy ver ou. Mon dir: Ou menm mon labri, ou menm mon posesyon lo sa later.

Proverb 29:2

Ler i annan bokou dimoun ki azir byen, lepep i dan lazwa; me si en diktater ki o pouvwar, lepep i plennyen.

Lamantasyon 1:17

Siyon i lev lanmen, me napa personn pour konsol li. SENYER in donn lord bann vwazen pour atak Izrael par tou kote. Zerizalenm in vin en ta salte parmi zot.

Amos 3:9

Al anons dan bann pale Asdod e dan bann pale Lezip: Rasanble zot lo bann montanny Samari, zot ava war bann gran dezord ek vyolans ki pe ganny komet se li.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.