Eklezyas 2:1 - Labib An Kreol Seselwa

¹ Mon ti dir dan mwan menm: Mon pou teste ou avek bann plezir e fer ou konnen kisisa boner. La osi mon ti dekouver ki tousala ti zis vanite.

Eklezyas 2:1 Referans Kwoze

Levanzil dapre Lik 12:19

Apre, mon ava dir dan mwan menm: Rekolt ki ou'n anmase i ase pour plizyer lannen. Alor, repoz ou, manze, bwar e anmize!

Eklezyas 8:15

Alor, mon ti dir: Anmize, akoz napa nanryen ki bon pour zonm anba soley; zis manze, bwar ek diverti; se sa ki pou avek li toultan dan son travay, tou le zour son lavi ki Bondye in donn li anba soley

Let Zak 5:5

Zot in viv lo later dan liks e dan plezir. Zot in vin gra parey zannimo pour sa zour labatwar.

Let Zak 5:1

Zot bann ris! Aprezan ekoute: Plere, kriye akoz bann maler ki pou tonm lo zot.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Let Zak 4:13

Ekoute, zot ki dir: Ozordi, oubyen demen, nou pou al dan tel oubyen tel lavil. Nou pou pas enn an laba; nou pou fer komers e nou pou fer benefis.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

Levanzil dapre Lik 16:19

“En fwa, ti annan en zonm ris ki ti touzour abiy dan bann zoli lenz ser, fer avek pli zoli latwal linenn fen. I ti pe fer lafet tou le zour.

Ezai 50:11

Zot tou ki alim dife e ki posed bann dart pour met dife! Al mars dan laflanm zot prop dife e lo labrez ki reste. Tousala in arive par mwan; zot pou mor dan tourman.

Ezai 50:5

Senyer BONDYE in ouver mon zorey e mon pa'n revolte. Mon pa ti rekile.

Eklezyas 11:9

Ou ki ankor zenn, profit byen bann lannen ou lazenes. Viv ere pandan ki ou ankor zenn. Fer tou sa ki ou kontan, e tou sa ki donn ou plezir. Me ou bezwen konnen ki Bondye pou ziz tou ou bann aksyon.

Eklezyas 7:4

Bann zonm saz i mazin soufrans lanmor. Bann sot i pas letan dan festen.

Eklezyas 2:15

Mon dir dan mwan menm: Sa ki ariv avek en zonm bet, pou osi ariv avek mwan. Alor, ki profi mon tire avek mon lasazes? Mon dir tousala i osi vanite.

Psonm 14:1

Bann fou i dir dan zot leker: Napa Bondye. Zot koronpi. Zot fer bann aksyon degoutan. Personn pa fer sa ki byen.

Psonm 10:6

I dir dan li menm: Zanmen mon pou perdi; zanmen mon pou tonm dan maler.

2 Rwa 5:5

Lerwa Lasiri ti dir li, “Ale alor. Mon ava anvoy en let kot lerwa Izrael.” I ti ale e anmenn avek li 300 kilo larzan, 6,000 pyes lor ek dis resanz lafet.

Zenez 11:7

Annou desann e brouy zot langaz pour zot pa konpran kanmarad.

Levanzil dapre Lik 16:23

Dan lemonn lanmor kot i ti ete, i ti pe soufer bokou. I ti lev lizye e i ti war Abrahanm dan lwen ek Lazar obor li.

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Proverb 14:13

Leker i kapab tris menm ler ou pe riye; apre, lazwa i kapab vin en sagren.

Eklezyas 2:10

Tou sa ki mon lizye ti anvi mon ti satisfer li; mon pa ti zanmen priv mon lekor. Mon fyer pour mon bann lakonplisman; tousala i mon rekonpans pour tou mon travay.

Eklezyas 2:25

Lekel ki kapab anmize e profit lavi san Bondye?