Eklezyas 10:1 - Labib An Kreol Seselwa

¹ Detrwa mous mor i enfekte e detri en parfen; en pe sotiz i gat lasazes ek loner.

Eklezyas 10:1 Referans Kwoze

Nehemi 13:26

Konmsa menm ki Salomon, lerwa Izrael ti fer pese. Ti napa okenn lerwa parey li parmi tou sa kantite nasyon. Son Bondye ti kontan li, e Bondye ti'n etabli li koman lerwa lo Izrael antye. Sepandan, bann fanm etranze ti osi trenn li dan pese.

2 Kronik 19:2

Profet Yehou, garson Hanani, ti vin zwenn li. I ti dir lerwa Zozafat, “Eski ou devre port sekour en move dimoun? Eski ou devre kontan en dimoun ki deteste SENYER? Akoz sa, SENYER i ankoler avek ou.

Egzod 30:25

Avek sa bann parfen, ou ava fer delwil pour konsekrasyon. I ava en melanz spesyal, travay en parfimer, ki ava ganny servi pour bann seremoni konsekrasyon.

Nehemi 6:13

I ti'n ganny peye osi pour fer mwan per e swiv son bann konsey pour ki mon fer pese. Konmsa, zot ti ava kapab sali mon repitasyon pour mwan ganny dezonore.

Liv Zob 6:3

zot ti pou pli lour ki disab lanmer. Pour sa rezon ki mon pe koz an bonnavini.

Eklezyas 9:18

Plito lasazes ki bann masin lager, me en sel maladrwat i deranz tou dibyen ki i'n fer.

Agze 2:12

Si en dimoun pe anmenn en morso lavyann konsakre, anvlope dan en lenz, e apre, sa lenz i tous swa dipen, legim, oubyen diven, delwil, oubyen nenport ki manze, eski sa manze osi i vin sakre? Sa bann pret ti reponn, “Non.”

Agze 2:13

Agze ti dir ankor, “Si en dimoun i ganny kontaminen akoz i'n vin an kontak avek en kadav, e i tous enn sa bann manze, eski sa manze i vin enpir?” Bann pret ti reponn, “Wi.”