Eklezyas 1:2 - Labib An Kreol Seselwa

² Sa zonm saz i dir: Tou i vanite. Tou keksoz i anven e initil!

Eklezyas 1:2 Referans Kwoze

Psonm 144:4

I zis parey en divan; bann zour son lavi i parey en lonbraz ki vit pase.

Romen 8:20

Annefe, lakreasyon antye in tonm anba pouvwar bann lafors san valer. Pa par son prop swa, me akoz Bondye ki'n fer li soumet. Sepandan, i annan ankor en lespwar:

Eklezyas 5:10

Larzan pa zanmen ase pour sa enn ki kontan larzan; menm sa enn ki kontan larises pa zanmen satisfe avek sa ki i annan. Sa osi i zis vanite.

Eklezyas 12:8

Eklezyas i dir: Tousala i initil, i pa fer sans.

Eklezyas 2:26

I donn lasazes, konnesans ek lazwa sa enn ki fer li plezir. Me sa enn ki mal azir, i fer li rasanble bann byen pour sa enn ki fer plezir Bondye. Sa i zis vanite, konmsi ou pe tay deryer divan.

Eklezyas 2:19

Ki swa en zonm saz oubyen en zonm fou, i pou annan pouvwar lo tou travay ki mon'n fer avek lasazes; tousala i zis vanite.

Eklezyas 2:11

Alor, mon ti konsider tou sa ki mon'n akonpli, travay dir ki mon'n realize avek bokou lapenn: Tousala i vanite, konmsi mon pe tay deryer divan. I pa vreman anmenn okenn lavantaz anba soley.

Eklezyas 2:23

Tou sa ki i'n fer dan lavi i anmenn zis douler ek lapenn; menm aswar i pa kapab ganny en repo. Sa ankor i zis vanite.

Eklezyas 2:17

Alor, mon deteste lavi; pour mwan, tou sa ki ganny realize anba soley i move, tousala i vanite; i zis konmsi ou pe tay deryer divan.

Eklezyas 11:8

Si en dimoun i viv lontan, i devre zouir sak lannen ki i viv. Rapel byen ki pou annan bokou zour sonm. Tousala, i zis vanite.

Eklezyas 6:11

Kan nou koz bokou, nou dir bokou plis keksoz initil; ki i annan deplis pour zonm profite?

Eklezyas 4:8

En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.

Eklezyas 4:4

Mon'n war osi ki bann dimoun ki zot aktivite i selman pour reisir e depas lezot. Sa ankor i anven e en lakours deryer divan.

Eklezyas 3:19

Apre tou, sor bann et imen ek sor bann zannimo pa diferan: Enn i mor parey lot, akoz zot annan menm souf lavi, e en et imen pa siperyer ki en zannimo. Tousala i zis vanite

Eklezyas 2:21

En dimoun in travay avek lasazes, konnesans ek sikse; i bezwen kit sa ki i'n realize pour en lot ki pa'n fer nanryen. Sa osi i vanite.

Eklezyas 11:10

Alor, met dekote tou traka; gard maladi lwen avek ou. Lazenes i pas vit. Tousala, i zis vanite.

Eklezyas 4:16

En gran lafoul ti swiv, me apre detrwa lannen, zot nepli satisfe. Sa osi i en vanite konmsi ou pe tay deryer divan.

Eklezyas 2:15

Mon dir dan mwan menm: Sa ki ariv avek en zonm bet, pou osi ariv avek mwan. Alor, ki profi mon tire avek mon lasazes? Mon dir tousala i osi vanite.

Liv Zob 11:12

Latet en imen i vid; kan i ne, i parey en bourik sovaz.

Psonm 89:47

Mazin mwan! Mon lavi i telman kourt. Pour ki rezon banal ou'n kree bann imen?

Eklezyas 2:8

Mon ti akimil en gran kantite larzan ek lor, trezor ki'n sorti partou dan mon rwayonm. Mon ti annan zonm ek fanm ki ti sante pour mon plezir, e mon ti annan bokou fanm, neseser pour donn plezir en zonm.