Egzod 9:24 - Labib An Kreol Seselwa

²⁴ Lagrel, melanze avek dife ti tonbe; sa ti pli terib ki'n deza tonbe dan Lezip antye, depi ki sa nasyon i egziste.

Egzod 9:24 Referans Kwoze

Matye 24:21

Annefe, sa pou en letan gran soufrans, pli terib ki'n deza arive depi konmansman lemonn ziska konmela, i ki pa pou zanmen ariv ankor.

Egzod 10:6

Sotrel pou ranpli ou bann lakaz, lakaz ou bann serviter e lakaz tou bann Ezipsyen. Sa pou en keksoz ki ni zot papa, ni zot gran papa pa'n zanmen war depi ki zot lo later, ziska ozordi.” Apre, i ti vire e sorti kot Faraon.

Egzod 9:23

Moiz ti lev son baton ver lesyel e SENYER ti anvoy loraz, lagrel ek dife lo later. SENYER ti fer en lapli lagrel tonbe lo Lezip.

Egzod 9:18

Demen sa menm ler, mon pou anvoy en lapli lagrel terib: En lagrel ki zanmen in deza tonbe lo Lezip depi son fondasyon ziska ozordi.

Egzod 9:25

Lagrel ti afekte tou keksoz ki ti dan lakanpanny, dimoun koman zannimo, partou dan Lezip. Lagrel ti afekte osi zerb e kas tou pye dibwa dan lakanpanny.

Ezekyel 13:13

Alor, la sa ki Senyer BONDYE i deklare: Dan mon lakoler, mon pou fer en gro tanpet divan soufle, en gro lapli pou vini; lagrel pou tonbe avek en lafors terib e detri sa miray.

Liv Zob 38:23

Mon'n gard zot pour letan maler, pour bann zour konba ek lager.

Psonm 18:13

Dan lesyel, lavwa SENYER ti rezonnen parey loraz.

Psonm 105:32

Dan plas lapli, ti annan lagrel e bann laflanm dife ti klate partou dan pei.

Ezai 30:30

Alor, SENYER ava fer tande son lavwa pwisan. I pou montre lafors son lebra ki fer fraka ler i desann dan en dife ki devor tou avek son laflanm avek en tanpet lapli ek lagrel.

Ezekyel 1:4

Kan mon ti gete, en rafal divan ti soufle sorti dan Nor e anmenn avek li en gro nyaz; en rebor lalimyer ti ilimin lesyel otour li. Laflanm dife ti sorti dan son milye; i ti klate parey bronz ki pe fonn dan dife.