Egzod 9:19 - Labib An Kreol Seselwa

¹⁹ Aprezan, fer met an sekirite tou ou troupo e tou sa ki ou annan dan lakanpanny; lagrel pou tonm lo tou dimoun ek tou zannimo ki deor dan lakanpanny e ki pa'n ganny anmennen dan bann landrwa kouver e zot pou mor.

Egzod 9:19 Referans Kwoze

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Egzod 9:6

Lannmen, SENYER ti fer arive sa ki i ti'n dir: Tou troupo bann Ezipsyen ti mor, me dan troupo bann Izraelit, ti napa en sel zannimo ki ti mor.

Egzod 9:25

Lagrel ti afekte tou keksoz ki ti dan lakanpanny, dimoun koman zannimo, partou dan Lezip. Lagrel ti afekte osi zerb e kas tou pye dibwa dan lakanpanny.

Psonm 78:48

I ti les zot zannimo ganny detri par lagrel e zot betay par loraz ek zekler.

Ezekyel 33:5

I mor par son prop fot akoz i'n antann tronpet, me i'n negliz lavertisman. Alor, i responsab son lanmor. Sa enn ki pran kont lavertisman, i sov son lavi.