Egzod 9:16 - Labib An Kreol Seselwa

¹⁶ Me si mon'n les ou viv, se pour montre ou mon pouvwar e fer mon non ganny konnen partou lo later.

Egzod 9:16 Referans Kwoze

Romen 9:17

Dan Lekritir, Bondye i dir avek Faraon: Mon'n etabli ou koman lerwa pour montre par ou, mon pwisans, pour fer mon non ganny konnen partou lo later.

Proverb 16:4

Tou sa ki SENYER in fer i pour en rezon, menm bann malfeter, pour zot ganny pini zour maler.

Psonm 64:9

Tou dimoun pou per; zot pou proklanm travay Bondye, e medit lo sa ki i'n fer.

1 Kronik 16:24

Proklanm son grander, parmi bann nasyon. Rakont son bann mervey, parmi tou bann pep!

Egzod 14:17

Mon pou andirsi leker bann Ezipsyen pour fer zot swiv deryer. Mon pou montre zot mon grander atraver Faraon, tou son larme, son bann kales lager ek son bann kavalye.

Let Zid 1:4

Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

Romen 9:22

Alor, Bondye in oule montre son lakoler e fer konnen son pwisans. Pourtan, in siport avek en gran pasyans bann ki merit son lakoler e ki ti pare pour destriksyon.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Egzod 18:11

Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Egzod 14:4

Mon pou andirsi leker Faraon; i pou pourswiv zot e mon pou ganny laglwar atraver Faraon ek son pep. Tou Ezipsyen pou konnen ki se mwan SENYER”. Sanmenm ki zot ti fer.

1 Pyer 2:19

Annefe, i en bon keksoz si en dimoun i siport bann soufrans ki i andire enzisteman pour lanmour Bondye.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

1 Samyel 4:8

Maler lo nou! Lekel ki pou delivre nou dan lanmen sa bann bondye? Sanmenm sa bann bondye ki ti pini bann Ezipsyen avek toudsort fleo dan dezer.

Egzod 9:15

Aprezan, si mon ti'n lev mon lanmen kont ou, e si mon ti'n anvoy lepidemi, ou ti ava'n fini disparet lo later.

Egzod 9:17

Ou ankor pe met lobstak kont mon pep e refize les zot ale.

Nehemi 9:10

Ou ti fer bann siny ek bann mervey kont Faraon, kont tou son bann serviter ek tou zabitan son pei, akoz ou ti konnen ki zot ti ensolan anver nou bann zanset. Ou'n fer ou renonmen ziska ozordi.

Psonm 76:10

Menm lakoler bann imen i rann ou glwar; ou antour ou avek leres ou lakoler.

Psonm 106:8

Me i ti sov zot pour loner son non, pour li montre zot son gran pwisans.

Zeremi 32:20

Otrefwa, ou ti akonpli bann mervey, bann keksoz fantastik dan pei Lezip; ou kontinyen fer tousala ozordi ankor dan Izrael e parmi tou bann imen. Sa i fer ki partou, dimoun i konn ou ozordi.

Ezekyel 39:21

Mon pou montre mon grander parmi bann nasyon; zot ava war mon pwisans dan legzekisyon mon zizman.

Nonm 14:21

Me osi vre ki mon vivan, e ki later antye i ranpli avek laglwar SENYER,

Zozye 4:24

Konmsa, tou bann pep lo later ava konnen ki lanmen SENYER i pwisan, e ki zot touzour annan respe pour SENYER, zot Bondye.”

2 Samyel 7:23

Lekel nasyon lo later ki parey Izrael, ou pep, ki bann bondye in sove pour fer en pep pour zot, e donn li en non? Ou'n akonpli bann mervey pour zot; ou'n akonpli bann keksoz terib pour ou pei devan ou pep ki ou ti fer sorti Lezip; ou'n liber li avek bann nasyon ek zot bann bondye pour fer li vin ou pep.

2 Rwa 19:35

Sa menm swar, lanz SENYER ti sorti e touy 185,000 zonm dan kan bann Asiriyen. Ler lizour ti fer, ti annan zis dimoun mor.