Egzod 5:23 - Labib An Kreol Seselwa

²³ Depi ki mon'n vin kot Faraon pour koz lo ou non, in fer plis ditor sa pep e ou pa ankor delivre li.”

Egzod 5:23 Referans Kwoze

Zeremi 11:21

Pour sa rezon, la sa ki SENYER i deklare kont bann zabitan Anatot ti oule mon lanmor. Zot ti'n dir: Si ou kontinyen koz koman en profet lo non SENYER, nou pou touy ou.

Ezai 28:16

La sa ki Senyer BONDYE i deklare: La mon poz en ros fondasyon dan Siyon. En ros ki'n ganny byen swazir; en ros kwen presye, en fondasyon sir. Sa enn ki krwar dan li pa pou dezapwente.

Psonm 118:26

Beni sa enn ki pe vini lo non SENYER! Depi tanp SENYER nou loue ou.

Levanzil dapre Zan 5:43

Mon'n vin lo non mon Papa e zot refize aksepte mwan. Me si en lot i vin lo son prop non, zot pou aksepte li.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 6:1

SENYER ti dir Moiz, “Aprezan, ou ava war ki mon pou fer avek Faraon: Par pwisans mon lanmen ki i pou les ale mon pep, par pwisans mon lanmen ki i pou sas zot dan son pei.”

Liv Zob 22:17

Zot ti dir avek Bondye: Les nou trankil. Ki Bondye liniver i kapab fer nou?