Egzod 39:42 - Labib An Kreol Seselwa

⁴² Bann Izraelit ti fer tou sa travay egzakteman parey SENYER ti'n ordonn Moiz.

Egzod 39:42 Referans Kwoze

Egzod 35:10

Tou bann artizan ki annan talan parmi zot, ava vin fer tou sa ki SENYER in komande:

2 Timote 4:7

Mon'n konbat en bon konba, mon'n fini sa lakours, mon'n gard lafwa.

2 Timote 2:15

Fer tou pour paret devan Bondye koman en zonm ki'n ganny teste, koman en zouvriye ki napa nanryen pour onte, me ki anons byen mesaz laverite.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Egzod 39:32

Konmsa ki tou bann travay pour sanktyer, Latant Rankont ti ganny fer. Bann Izraelit ti fer tou egzakteman parey SENYER ti'n ordonn Moiz.

Egzod 39:41

bann labiyman spesyal pour bann ki servi dan sanktyer, bann labiyman sakre pour pret Aaron, ek bann labiyman ki son bann garson i mete pour egzers zot servis.

Egzod 39:43

Kan Moiz ti war ki zot ti'n fer tou sa travay parey SENYER ti ordonnen, i ti beni zot.

Zeremi 13:5

Alor mon ti ale e mon ti fer sa ki SENYER ti'n dir mwan.

Egzod 12:28

Apre, bann Izraelit ti ale. Zot ti fer egzakteman parey SENYER ti'n komann Moiz ek Aaron.

Nonm 9:22

Si nyaz ti reste pour de zour, en mwan, ou menm pli lontan par lao Latant, bann Izraelit ti reste kanpe e zot pa ti bouze. Me kan nyaz ti leve, zot ti deplas avek li.

1 Rwa 6:38

Konstriksyon antye ti terminen dan tou son bann detay dan onzyenm lannen renny Salomon, dan mwan Boul ki wityenm mwan. Sa konstriksyon ti pran 7 an.

2 Kronik 8:15

Zot ti fer sir ki tou detay lenstriksyon ki David ti'n etabli, ti ganny aplike konsernan bann pret, bann levit e menm sa ki konsern bann lasal trezor.