Egzod 36:10 - Labib An Kreol Seselwa

¹⁰ Senk rido ti ganny atase ansanm; lezot senk rido osi.

Egzod 36:10 Referans Kwoze

Filipyen 3:15

Nou tou ki adilt spirityelman, annou adopte sa menm preokipasyon. Me sa enn ki annan en lot lopinyon, Bondye ava ekler li lo sa size.

Filipyen 2:2

Alor, si sa i vre, mon demann zot, rann mon lazwa konplet an vivan en lavi ini ant kanmarad, avek en menm lanmour, en menm lespri, e en sel panse.

Efezyen 1:23

Legliz i lekor Kris. Kris i totalman prezan dan Legliz; i ranpli liniver antye.

1 Korentyen 12:27

Zot tou, zot lekor Kris e sakenn parmi zot, i fer parti sa lekor.

1 Korentyen 12:20

An realite, i annan plizyer manm, me en sel lekor.

1 Korentyen 1:10

Mon bann frer ek ser! Mon demann zot lo non Zezi-Kri nou Senyer: Met zot byen dakor ansanm; pa les okenn divizyon egziste parmi zot. Reste byen ini ansanm dan en menm mannyer panse e menm konviksyon.

Akt de Zapot 2:1

Zour Lapannkot, tou bann disip ti'n rasanble ansanm dan en menm landrwa.

Sofoni 3:9

Alor, mon pou pirifye labous bann pep, pour ki zot tou, zot envok non SENYER e servi mwan avek en menm leker.

Psonm 133:1

I bon, i gou war bann frer viv ini ansanm.

Psonm 122:3

Zerizalenm i en lavil byen bati ki form en linite parfe.

Egzod 26:3

Ou ava atas senk lez latwal ansanm; lot senk lez ava osi ganny atase ansanm, me separeman.

Egzod 36:9

Sak rido ti mezir 14 met lo de met. Sa ti parey pour tou lezot rido.

Egzod 36:11

Zot ti fer bann rozet kouler ble obor premye rido, dan bout premye lasanblaz; zot ti osi met bann rozet lo premye rido dan dezyenm lasanblaz.