Egzod 36:1 - Labib An Kreol Seselwa

¹ Besalel, Oholiab e tou bann zonm ki SENYER ti'n donn lasazes ek disernman neseser pour zot kapab fer tou bann travay pour servis dan sanktyer, ti egzekit bann travay egzakteman parey SENYER ti'n ordonnen.

Egzod 36:1 Referans Kwoze

Egzod 28:3

Ou ava koz avek tou bann artizan ki mon'n donn bokou abilite ek lasazes. Demann zot fer bann labiyman pour Aaron pour ki i kapab ganny konsakre pour servi mwan koman pret.

Egzod 39:1

Bann labiyman spesyal pour servis dan sanktyer ti ganny fer avek lalenn ble, rouz e rouz fonse. Bann labiyman sakre ti ganny fer pour Aaron, parey SENYER ti'n ordonn Moiz.

Egzod 25:8

Zot ava konstri en sanktyer pour mwan, e mon ava reste parmi zot.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Ebre 8:2

I servi koman Gran-Pret dan sanktyer e vre latant ki'n ganny etabli non pa par zonm, me par Senyer.

Psonm 119:6

Alor, mon pa pou kanmi ler mon pou get tou ou bann komannman.

Nonm 7:9

Bann garson Keat pa ti ganny okenn par, akoz zot travay ti zis pour transport bann lobze sakre lo zot zepol.

Egzod 36:2

Moiz ti fer apel Besalel, Oholiab ek lezot artizan kalifye ki SENYER ti'n donn lentelizans, e ki leker ti dispoze pour fer sa bann travay lo en baz volonter.

1 Rwa 7:14

Hiranm ti garson en vev dan tribi Neftali; son papa ti en Tiryen ki ti en travayer bronz. Hiranm osi ti en bon travayer entelizan ki ti posed en gran konnesans dan teknik travay bronz. I ti vin kot Salomon e i ti fer tou sa bann travay.

1 Kronik 28:21

La bann klas bann pret ek bann levit pour tou bann servis dan tanp SENYER. I ava annan bann volonter ki kalifye pour nenport ki travay, bann sef ek pep antye, pour egzekit ou bann lord.”

Egzod 12:28

Apre, bann Izraelit ti ale. Zot ti fer egzakteman parey SENYER ti'n komann Moiz ek Aaron.

Egzod 31:11

delwil lonksyon ek lansan aromatik pour sanktyer. Zot ava fer egzakteman tou sa ki mon'n ordonn ou.

Egzod 38:23

Avek li, ti annan Oholiab, garson Ahisamak, sorti dan tribi Dann, en skilpter e artis ki ti osi fer bann rido kouler ble, rouz, rouz fonse ek latwal linenn fen.

1 Kronik 2:20

Hour ti papa Ouri e Ouri ti papa Besalel.