Egzod 34:15 - Labib An Kreol Seselwa

¹⁵ Pa fer okenn lalyans avek bann zabitan sa pei, akoz si ou prostitye avek zot bann bondye e ofer zot bann sakrifis, zot ava kapab envit ou e manz sakrifis ki zot ofer zot bondye.

Egzod 34:15 Referans Kwoze

Ziz 2:17

Me zot pa ti ni menm ekout zot bann ziz. Zot ti al prostitye avek lezot bondye e prostern devan zot. Tre vit, zot pa ti swiv semen ki zot bann zanset ti swiv, ki ti ekout bann komannman SENYER; me, zot pa ti fer parey.

1 Korentyen 8:4

Alor, pour sa ki konsern konsonmasyon lavyann ki'n ofer avek zidol, nou konnen ki zidol pa nanryen an realite. Nou konnen osi, ki i annan en sel vre Bondye.

Psonm 106:28

Apre, zot ti al atas zot avek Baal e manz bann sakrifis ki ti ganny ofer pour dimoun mor.

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

Nonm 25:2

Sa bann fanm ti'n envit pep Izrael pour vin ofer sakrifis. Bann Izraelit ti manze e ador bann bondye Moab.

1 Korentyen 10:27

Si en non-krwayan i envit ou pour manze e ki ou dakor pour ale, manz tou sa ki i prezant ou, san poz okenn kestyon pour rezon ou konsyans.

1 Korentyen 8:10

Annefe, si en dimoun i war ou ki annan konnesans, pe manz dan en tanp zidol, eski sa pa i ankouraz sa enn avek en konsyans feb, pour manz lavyann ki'n ganny ofer avek zidol?

1 Korentyen 8:7

Sepandan, pa tou dimoun ki annan sa konnesans. Annefe, serten dimoun i telman abitye avek bann zidol, ki zot manz lavyann konmsi sa lavyann in vreman ganny ofer avek en zidol. Zot konsyans i feb e zot santi ki zot in vin enpir.

Zeremi 3:9

I'n komet adilter avek ros ek pye dibwa, in sali son lekor; in osi sali son pei.

Levitik 17:7

Konmsa, zot ava arete ofer zot sakrifis avek bann bondye dan laform bouk avek ki zot fer prostitisyon. Sa i ava en regleman pour zot, pour tou bann zenerasyon.

Egzod 34:12

Fer sir ou pa fer okenn lalyans avek bann zabitan sa pei kot ou pe ale. Sa i kapab vin en pyez pour ou.

Revelasyon 2:20

Me la sa ki mon annan kont ou: Ou toler Zezabel, sa fanm ki pas li pour en profet. I tronp mon bann serviter e ansenny zot pratik limoralite, pour fer zot manz lavyann ki'n ganny ofer avek bann zidol.

Oze 9:1

Izrael, pa bezwen rezouir! Aret selebre parey lezot nasyon. Ou'n tonm dan prostitisyon lwen avek ou Bondye e ou'n pran larzan partou kot ou bat dible.

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Psonm 73:27

Annefe, dimoun ki lwen avek ou pou disparet; ou detri sa bann ki abandonn ou.

Esdras 6:9

Fourni zot tou sa ki neseser pour sakrifis konplet anver Bondye dan lesyel: Toro, mouton mal ek bann zenn mouton, dible, diven, delwil; delivre tousala kan bann pret ki Zerizalenm i bezwen pour sak zour e san manke.

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.

Nonm 15:39

Sak fwa ki zot ava get sa franz, zot ava mazin komannman SENYER pour zot met an pratik. Zot pa devre swiv dezir zot lizye ek zot leker pour fer sa ki mal.

Egzod 34:10

SENYER ti dir Moiz, “Mon pou fer en lalyans. Devan tou lepep, mon pou fer bann gran mervey ki zanmen in ganny fer lo later antye e parmi tou bann nasyon. Tou lepep otour ou ava war travay SENYER; mon pou akonpli bann mervey avek ou.”

Egzod 23:32

Ou pa pou fer okenn lalyans avek zot, ni avek zot bann bondye.

Akt de Zapot 15:20

Me annou ekri zot e demande ki zot pa manz lavyann ki'n ganny ofer avek bann zidol, gard zot kont tou pratik imoral, pa manz zannimo ki'n toufe, ni disan.

Egzod 22:20

Sa enn ki ofer sakrifis en lot bondye apard mwan, SENYER, ava ganny detri konpletman.

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Nonm 25:1

Pandan ki pep Izrael ti'n enstal zot Sitim, zot ti tonm dan prostitisyon avek bann fanm Moabit.

Deterononm 7:3

Pa fer okenn lalyans par maryaz avek zot. Pa donn ou fiy zot bann garson, ni pran zot fiy pour ou bann garson.

Deterononm 32:37

Alor i ava dir: Oli zot bann bondye kot zot ganny labri?

Deterononm 32:38

Oli sa ki ti manz lagres zot bann sakrifis e bwar diven zot bann lofrann? Zot devre leve e vin sekour zot, oubyen vin protez zot.

Zozye 23:12

Akoz si zot vir zot ledo kont li, si zot atas zot avek sa bann nasyon ki reste avek zot, si zot al fer lalyans maryaz avek zot, e si zot melanz avek zot,

Ziz 3:6

Zot ti marye avek zot bann fiy e marye zot fiy avek zot bann garson; zot ti servi zot bann bondye.

1 Kronik 5:25

Me zot pa ti fidel anver Bondye zot papa e zot ti tonm dan prostitisyon avek bondye bann nasyon sa pei ki Bondye ti'n detri devan zot.

Esdras 9:12

Alor, pa donn zot bann fiy an maryaz ek zot bann garson etranze, ni pran zot fiy an maryaz pour zot bann garson. Pa pran okenn ka pour zot konfor ni zot byennet. Alor, zot ava vin en pep for. Zot ava manz meyer prodwi sa pei e transmet li pour touzour, koman en leritaz pour zot bann zanfan.

Egzod 22:19

Sa enn ki dormi avek en zannimo ava ganny touye.

Deterononm 31:18

Sa zour, mon pou sirman detourn mon ledo avek zot, akoz tou sa bann move keksoz ki zot in fer depi ki zot in abandonn mwan e al ador lezot bondye.