Egzod 33:7 - Labib An Kreol Seselwa

⁷ Moiz ti dres latant lwen avek kan. I ti apel li Latant Rankont. Tou dimoun ki ti oule konsilte SENYER, ti al kot Latant Rankont, an deor kan.

Egzod 33:7 Referans Kwoze

Ezai 59:2

Me plito ou bann fot ki'n separ ou avek ou Bondye; ou bann pese ki'n fer li kasyet son figir e ki'n anpes li antann ou.

Proverb 15:29

SENYER i reste lwen avek bann malfeter; me i ekout lapriyer sa enn ki zis.

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Psonm 35:22

SENYER! Ou menm, ou'n war. Pa gard silans. SENYER! Pa reste lwen avek mwan.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 10:1

SENYER! Akoz ou reste lwen avek mwan? Akoz ou kasyet ou kan mon dan maler?

Ebre 8:2

I servi koman Gran-Pret dan sanktyer e vre latant ki'n ganny etabli non pa par zonm, me par Senyer.

Egzod 18:7

Moiz ti sorti deswit pour al zwenn son boper. I ti prostern devan li e anbras li. Zot ti demann nouvel kanmarad; apre zot ti antre dan latant.

Egzod 18:12

Apre sa, Zetro, boper Moiz ti ofer en sakrifis konplet e lezot sakrifis anver Bondye. Aaron, ansanm avek bann ansyen dan Izrael ti vin manz dipen avek boper Moiz, dan prezans Bondye.

Egzod 33:6

Alor, depi montanny Horeb, pep Izrael ti retir tou lenz lafet.

Egzod 33:8

Sak fwa ki Moiz ti al kot Latant Rankont, tou dimoun ti leve e reste debout devan lantre zot latant e swiv Moiz avek lizye, ziska ki i ti'n antre dan latant.