Egzod 33:4 - Labib An Kreol Seselwa

⁴ Kan pep Izrael ti antann sa bann parol menasan, zot ti met dey; personn pa ti met en lenz lafet.

Egzod 33:4 Referans Kwoze

Nonm 14:39

Kan Moiz ti anons sa avek pep Izraelit antye, zot ti tonm dan en gran dezolasyon.

Ezekyel 26:16

Tou bann lerwa dan rezyon lakot pou kit zot tronn. Zot pou kit zot rob ek zot lenz brode. Zot pou tranble avek gro lafreyer; zot pou asiz ater dan lafreyer e zemir lo ou sor.

Ezekyel 24:23

Gard zot tirban lo zot latet e zot sandal dan zot lipye. Zot pa bezwen ni lamante, ni plere, me zot ava zemir dan zot fot e zot ava konsol kanmarad.

Ezekyel 24:17

Pa les tande ou soupir, pa les war siny dey. Atas ou tirban e met ou sandal. Pa kouver ou moustas e pa manz sa ki dimoun an dey i manze.

Nonm 14:1

Tou lannwit, kominote Izraelit ti lev lavwa e plere dan detres.

Zakari 7:5

Dir avek lepep pei antye e avek bann pret. Kan zot ti fer en zenn, kan zot ti plere lo senkyenm ek setyenm mwan pandan sa 70 an, eski pour mwan ki zot ti pe fer sa zenn?

Zakari 7:3

Avek bann pret ki servi dan tanp SENYER liniver e avek bann profet, zot ti poz sa kestyon: Eski mon bezwen kontinyen plere e fer en zenn dan senkyenm mwan, parey mon'n fer pandan plizyer lannen?

Zonas 3:6

Kan lerwa Niniv ti tande sa ki ti pe pase, i ti leve lo son tronn, tir son lenz rwayal, e met lenz dey li osi e asiz lo lasann.

Oze 7:14

Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.

Ezai 32:11

Fanm ki viv en lavi alez! Tranble. Zot ki ardyese! Tranble Tir zot lenz e met lenz dey otour zot leren!

Liv Zob 2:12

Zot ti war li dan lwen, me zot pa ti rekonnet li. Alor, zot ti plere asodlarm. Zot ti desir zot lenz e anvoy lapousyer anler par lao zot latet.

Liv Zob 1:20

Alor Zob ti leve. I ti desir son lenz e raz son latet. I ti tonm ater e prosternen.

Esdras 9:3

Ler mon ti antann sa, mon ti desir mon lenz ek mon manto. Mon ti aras mon seve ek mon labarb. Mon ti asiz ater, dan en gran dezespwar.

2 Rwa 19:1

Kan lerwa Ezekyas ti antann sa rapor, i ti desir son lenz; i ti kouver li dan lenz dey, e al dan tanp SENYER.

1 Rwa 21:27

Kan Akab ti antann sa bann parol, i ti desir son lenz, met lenz dey lo li e i ti zennen. I ti dormi dan sa lenz dey e mars dousman.

2 Samyel 19:24

Mefi-Boset, pti zanfan Sail, ti'n osi vin zwenn lerwa. Depi ki lerwa in ale, Mefi-Boset pa'n okip ni son lipye, ni koup son labarb, ni lav son lenz ziska ki lerwa in retournen ozordi sen e sof.

Levitik 10:6

Apre, Moiz ti dir Aaron ek son de garson, Eleazar ek Itamar, “Pa delarg zot seve; pa desir zot lenz, pour ki zot pa mor e atir lakoler SENYER lo pep Izrael antye. Plito, les zot bann frer Izraelit plere lo sa bann ki SENYER in detri par dife.

Egzod 33:6

Alor, depi montanny Horeb, pep Izrael ti retir tou lenz lafet.

1 Samyel 6:19

SENYER ti pini zabitan Bet-Semes, akoz zot ti'n get Kof SENYER. Sa zour, 70 zonm ti mor: 50,000 parmi lepep. Lepep ti an dey, akoz SENYER ti'n anvoy sa gran fleo lo zot.