Egzod 33:12 - Labib An Kreol Seselwa

¹² Moiz ti dir SENYER, “SENYER! Ou ti'n dir mwan: Diriz sa pep; me ou pa'n dir mwan lekel ki ou pou anvoy avek mwan. Pourtan, ou menm ki ti dir: Mon konn ou par ou non e ou'n akord mwan ou faver.

Egzod 33:12 Referans Kwoze

Egzod 33:17

SENYER ti dir Moiz, “Mon pou fer egzakteman sa ki ou'n demande akoz ou'n resevwar mon faver, e mon konn ou par ou non.”

Zeremi 1:5

“Avan menm ki mon ti form ou dan vant ou manman, mon ti konn ou. Avan ki ou ti sorti dan son vant, mon'n konsakre ou. Mon'n met ou apar e swazir ou koman profet pour bann nasyon.”

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Egzod 33:1

SENYER ti dir Moiz, “Ale, ou avek sa pep ki ou'n delivre sorti Lezip e al dan sa later ki mon ti fer serman avek Abrahanm, Izaak ek Zakob an dizan: Mon pou donn sa later ou bann desandan.

Egzod 3:10

Aprezan, ale. Mon pe anvoy ou kot Faraon; fer Izrael mon pep, sorti Lezip.”

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Egzod 33:2

Mon pou anvoy lanz par devan ou e mon pou sas bann Kananeen, bann Amorit, bann Hitit, bann Perizit, bann Hivit ek bann Zebizit.

Ezai 45:3

Mon pou donn ou bann trezor ki dan landrwa fernwanr, bann larises dan bann landrwa sekre. Konmsa, ou ava konnen ki mwan menm SENYER, Bondye Izrael ki apel ou par ou non.

Agze 2:5

dapre sa promes ki mon ti fer kan zot ti sorti Lezip. Pa per, mon avek zot.

Egzod 3:4

SENYER ti war ki Moiz ti pe aprose pour war. Alor, Bondye ti apel li depi dan milye sa zarbis, “Moiz, Moiz!” I ti reponn, “La mon la.”

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

2 Samyel 15:25

Lerwa ti dir Sadok, “Retourn Kof Bondye dan lavil. Si SENYER i montre mwan son labonte, i ava fer mwan retournen, e i ava fer mwan revwar Kof ek son landrwa sakre.