Egzod 32:15 - Labib An Kreol Seselwa

¹⁵ Moiz ti redesann, sorti lo montanny avek sa de plak ros lo ki bann komannman ti'n ganny grave, devan e deryer.

Egzod 32:15 Referans Kwoze

Deterononm 9:15

Avek sa de plak ros dan mon lanmen, mon ti leve e desann montanny ki ti anflanm.

Revelasyon 5:1

Apre sa, mon ti war dan lanmen drwat sa enn ki ti pe asiz lo tronn, en liv dan laform en roulo ki ti'n ekri anndan deor e kaste avek set sele.

Psonm 19:7

Lalwa SENYER i parfe, i restor lavi. Tou bann regleman SENYER i sir. I donn lasazes sa enn ki senp.

Deterononm 5:22

Sa i bann parol ki SENYER ti prononse avek en lavwa pwisan, devan tou sa bann ki ti'n rasanble lo montanny, dan milye dife, lafimen, e dan gro fernwanr. I pa ti azout nanryen. I ti ekri sa bann parol lo de plak ros ki i ti donn mwan.

Egzod 40:20

Moiz ti pran plak ros lalyans e met dan Kof Lalyans; i ti met bann bar lo Kof e plas kouvertir lo Kof Lalyans.

Egzod 31:18

Apre ki i ti'n fini koz avek Moiz lo montanny Sinai, Bondye ti donn li sa de plak an ros, bann komannman ki i ti'n ekri avek son ledwa.

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

Egzod 16:34

Parey SENYER ti'n ordonnen avek Moiz, Aaron ti plas sa po lamann devan bann plak Temwannyaz pour ki i ganny konserve.

2 Korentyen 3:3

An realite, zot en let ki'n ganny ekri par Zezi-Kri e ki'n ganny transmet par nou. I pa'n ganny ekri avek lank, me avek Lespri Bondye ki vivan. Sa let pa'n ganny grave lo bann tablet an pyer, me dan leker imen.

2 Korentyen 3:7

Sa Lalwa ti ganny grave lo bann tablet an pyer e laglwar Bondye ti aparet. Bann Izraelit pa ti kapab get figir Moiz ki ti pe briye. Pourtan sa laglwar ti tanporer.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

Egzod 24:12

SENYER ti dir Moiz, “Mont kot mwan lo montanny e reste la. Mon pou donn ou bann plak ros kot mon'n ekri lalwa ek komannman pour enstri zot.”

Egzod 32:16

Sa bann plak ros ti louvraz Bondye li menm. Lekritir ki ti'n grave lo sa de plak ros, ti lekritir Bondye.

Egzod 34:29

Moiz ti desann, sorti lo montanny Sinai. Ler i ti desann sorti lo montanny, sa de plak ros temwannyaz dan son lanmen, i pa ti remarke ki lapo son figir ki klate, akoz i ti pe koz avek Bondye.