Biblia Todo Logo
Bib sou entènèt

- Piblisite -




Egzod 30:23 - Labib An Kreol Seselwa

23 Pran bann meyer prodwi aromatik: Senk kilo lamir likid; de kilo edmi lesans kannel; de kilo edmi feyaz parfimen;

Gade chapit la Kopi




Egzod 30:23
20 Referans Kwoze  

Depi lavil Ouzal, Vedann ek Lagres ti fourni ou avek fer forze, kannel ek plant medisinal annesanz pour ou marsandiz.


nar ek safran, lorye ek kannel, e tou bann pye lansan, lamir ek aloes, e tou bann meyer lesans ki santi bon.


Bann komersan Saba ek Rama, zot ti fer komers avek ou dan bann bon kalite lesans, pyer presyez ek lor.


Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.


Mon byenneme i parey en bouke parfimen ki repoz lo mon pwatrin.


Ou bann parfen i santi bon. Ou sedwir mwan parey en parfen. Pour sa rezon ki bann zenn fiy i kontan ou.


Mon'n parfim mon lili avek lamir, aloes ek kannel.


Ou lenz i santi loder lesans aloes ek kannel. Depi dan ou pale dekore avek livwar, zoli lanmizik i fer ou lazwa.


I ti fer delwil pour lonksyon sakre avek lansan aromatik pir. Sa ti louvraz en parfimer.


delwil pour bann lalanp, parfen pour delwil konsekrasyon e pour lansan aromatik;


SENYER ti ordonn Moiz:


senk kilo kasi, dapre pwa ki servi dan sanktyer ek sis lit delwil doliv.


delwil lonksyon ek lansan aromatik pour sanktyer. Zot ava fer egzakteman tou sa ki mon'n ordonn ou.


Zot ti osi anmenn bann parfen aromatik avek delwil pour lalanp, pour lonksyon e pour lansan parfimen.


Samyel ti pran en fyol delwil, ki i ti vers lo latet Sail. I ti anbras li e dir li, “SENYER i konsakre ou koman sef lo son patrimwann.


Pret Sadok ti pran fyol delwil sakre dan latant e vid lo latet Salomon pour konsakre li lerwa. Zot ti soufle tronpet e tou dimoun ti kriye: Viv lerwa Salomon.


Bann garson bann pret ki ti responsab pour melanz bann parfen.


Ou pa'n depans larzan pour aste bann plant parfimen pour mwan. Ou pa'n fer mwan rasazye ek lagres ou bann sakrifis. Me ou'n fer mwan vin lesklav ou bann pese; ou'n fatig mwan avek ou bann move aksyon.


Eleazar, garson pret Aaron, pou ansarz delwil pour bann lalanp, lansan parfimen, lofrann vezetal, delwil pour konsekrasyon: I pou ansarz tou sa ki pase dan Latant Sanktyer e lo son bann istansil.


Serten lezot ti okip bann meb ek lobze sakre, ensi ki lafarin, diven, delwil, lansan ek bann parfen.


Swiv nou:

Piblisite


Piblisite