Egzod 30:15 - Labib An Kreol Seselwa

¹⁵ Sa enn ki ris pa pou pey plis ki sa enn ki pov. Sa enn ki pov pa devre donn mwens pour SENYER, ki senk granm larzan koman taks pour son lavi.

Egzod 30:15 Referans Kwoze

Nonm 31:50

Alor, nou pou anmenn pour SENYER tou sa bann lobze ki nou'n sezi: Lobze annor, sennon, brasle, bag, zanno, kolye. Nou pe anmenn tousala devan SENYER koman lofrann pardon pour nou pese.

Efezyen 6:9

Zot, bann met! Fer parey. Tret byen zot bann serviter e aret fer bann menas. Mazinen ki zot menm, ansanm avek zot bann serviter, zot annan en menm Met ki dan lesyel, ki pa fer okenn preferans.

Liv Zob 34:19

Bondye pa fer lapreferans pour bann sef; i pa montre lapreferans ant ris ek pov parey, akoz zot tou le de, zot ti ganny kre par li.

Levitik 17:11

Annefe, lavi en kreatir i dan son disan. Mon'n donn li pour zot fer rityel pardon lo lotel pour zot lavi. Se avek disan ki rityel pardon pese i ganny fer, akoz disan i lavi.

Egzod 30:12

Kan ou fer resansman pep Izrael, sakenn zot ava pey SENYER en taks pour son lavi. Konmsa, pou napa okenn maler parmi zot, pandan resansman.

Kolosyen 3:25

Sak dimoun ki mal fer, pou pey pour lemal ki i'n fer, akoz Bondye pa fer preferans pour personn.

Proverb 22:2

La sa ki ris ek pov i annan ansanm: SENYER ki'n fer tou le de.

2 Samyel 21:3

David ti demann bann Gabaonit, “Ki mon kapab fer pour zot e koman mwan kapab repar sa mal ki Sail in fer anver zot, pour ki zot ava kapab loue pep SENYER?”

Egzod 30:14

Tou dimoun ki ganny konte depi laz 20 an, an montan, ava pey sa taks pour SENYER.

Egzod 30:16

Ou ava pran sa larzan taks avek pep Izrael, e ou ava itiliz li pour servis Latant Rankont. Pour bann Izraelit, i ava en memoryal devan SENYER koman en taks pour zot lavi.

Egzod 38:26

An tou, 603,550 zonm ki ti ganny konte dan resansman, aze 20 an e plis, ti donn sakenn 5 granm larzan, dapre valer sanktyer.

Ezekyel 45:16

Pep antye dan pei devre zwenn ansanm pour kontribye dan lofrann pour sa prens ki gouvern Izrael.