Egzod 29:21 - Labib An Kreol Seselwa

²¹ Ou ava pran en pe sa disan ki lo lotel avek en pe delwil konsekrasyon; ou ava asperz lo Aaron, lo son labiyman, lo son bann garson e lo zot labiyman. Dan sa fason, Aaron ek son labiyman ava ganny konsakre; son bann garson ek zot labiyman ava osi ganny konsakre.

Egzod 29:21 Referans Kwoze

Ebre 9:22

Annefe, dapre Lalwa, preski tou keksoz i ganny pirifye avek disan, e san versman disan, napa pardon pese.

Levitik 8:30

Moiz ti pran en pe delwil konsekrasyon ek en pe disan ki ti lo lotel. I ti fer laspersyon lo Aaron e lo son lenz; i ti osi asperz bann garson Aaron ek zot lenz. Konmsa ki i ti konsakre Aaron ek son lenz, ensi ki son bann garson ek zot lenz.

Egzod 29:7

Apre, ou ava pran delwil konsekrasyon ki ou ava vers lo son latet e ou ava konsakre li.

Egzod 29:1

La ki mannyer ou ava konsakre zot pour ki zot servi mwan koman pret: Pran en zenn toro, de mouton mal san defo,

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Levanzil dapre Zan 17:19

Pour zot, mon konsakre ou mon lekor, pour ki zot osi, zot ava vreman ganny konsakre dan laverite.

Psonm 133:2

I parey delwil parfimen ki koule lo latet Aaron, ki desann ziska dan son labarb, ziska lo bor kol son rob.

Levitik 14:29

Pret ava pas leres delwil ki dan son lanmen, lo latet sa dimoun ki pe ganny pirifye, koman rityel pardon pese devan SENYER.

Egzod 29:20

Ou ava egorz sa mouton. Ou ava pran en pe son disan ki ou ava met lo bout zorey drwat Aaron ek bout zorey drwat son bann garson. Ou ava osi met en pe disan lo pous zot lanmen drwat e lo gro pous zot lipye drwat. Avek leres sa disan, ou ava asperz toultour lotel.

Egzod 29:22

Ou ava pran lagres sa mouton mal, lagres ki dan son lake, lagres ki kouver son trip, son lefwa, son ronnyon, ek son kwis drwat. Sa i ava mouton konsekrasyon.

Levitik 8:23

Moiz ti egorz li e pran en pe son disan ki i ti pas lo bout zorey drwat Aaron, lo pous son lanmen drwat e lo gro pous son lipye drwat.

Levitik 7:35

Sa bann par i vin pour Aaron ek son bann garson lo bann sakrifis brile devan SENYER, de ki zot in ganny konsakre pour servi SENYER koman pret.