Egzod 29:12 - Labib An Kreol Seselwa

¹² Ou ava pran en pe disan sa toro e met lo bann kwen lotel avek ou ledwa. Ou ava vers leres disan lo sipor lotel.

Egzod 29:12 Referans Kwoze

Egzod 27:2

Ou ava fer bann korn lo sak kwen ki form en sel avek lotel. Lotel ava ganny rekouver an bronz.

Levitik 9:9

Son bann garson ti prezant li disan. I ti tranp son ledwa dan sa disan e pas li lo bann korn lotel; i ti vers leres disan ater otour lotel.

Levitik 8:15

Moiz ti egorz sa toro. I ti pran disan e avek son ledwa, i ti pas lo sak korn lotel, e pirifye lotel. Apre, i ti vers disan ater devan lotel e konsakre lotel. Konmsa ki i ti konsakre lotel pour fer rityel pardon lo la.

Egzod 30:2

I ava kare: 50 santimet longer, 50 santimet larzer e 90 santimet oter. Son bann korn ava fer en sel pyes ansanm avek li.

Ebre 10:4

akoz i enposib fer disparet pese par disan toro ek bouk.

Ebre 9:22

Annefe, dapre Lalwa, preski tou keksoz i ganny pirifye avek disan, e san versman disan, napa pardon pese.

Levitik 16:14

I ava pran en pe disan sa toro, e fer laspersyon avek son ledwa devan kouvertir Kof Lalyans, dan direksyon Les. I ava fer laspersyon disan avek son ledwa set fwa devan Kof Lalyans.

Levitik 5:9

Pret ava asperz en pe disan sa zwazo ki pour pardon pese obor lotel, tandis ki i ava vers leres disan ater devan lotel. Sa i en sakrifis pour pardon pese.

Levitik 4:34

Sa pret ava pran en pe disan sa zannimo pour sakrifis pardon pese avek son ledwa e met lo bann korn lotel sakrifis. I ava vers leres disan sa zannimo ater devan lotel.

Levitik 4:30

Sa pret ava pran en pe disan sa zannimo sakrifis avek son ledwa e met lo bann kwen lotel sakrifis. I ava vid leres disan sa zannimo ater devan lotel.

Levitik 4:25

Pret ava pran en pe disan sa zannimo sakrifis pour pardon pese avek son ledwa e met li lo bann korn lotel sakrifis. I ava vers leres disan ater devan lotel sakrifis konplet.

Levitik 4:18

I ava met en pe disan lo bann kwen lotel ki dan Latant Rankont. Apre, i ava vers tou leres disan ater devan lotel sakrifis ki dan lantre Latant Rankont.

Levitik 4:7

Sa pret ava met en pe disan lo bann korn lotel kot i bril lansan devan SENYER dan Latant Rankont. Apre, i ava vers leres disan sa toro ater devan lotel sakrifis ki dan lantre Latant Rankont.

Egzod 38:2

I ti fer bann kwen en sel pyes pour son kat kwen e kouver li avek bronz.

Revelasyon 6:9

Kan Zenn Mouton ti ouver senkyenm sele, mon ti war anba lotel bann ki ti'n ganny touye akoz Parol Bondye e akoz temwannyaz ki zot ti'n donnen.

Egzod 29:11

Ou ava egorz li devan SENYER, pre avek laport Latant Rankont.