Egzod 28:43 - Labib An Kreol Seselwa

⁴³ Aaron ek son bann garson ava met sa kannset ler zot ava antre dan Latant Rankont, oubyen ler zot ava apros kot lotel pour servis sanktyer. Konmsa, zot pa ava koupab pour okenn fot, pour ki zot pa mor. Sa i en regleman pour touzour ki aplik pour Aaron e pour son desandans.

Egzod 28:43 Referans Kwoze

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 20:26

Ou pa pou mont kot mon lotel par mars peron, pour ki ou touni pa ganny ekspoze.”

Levitik 5:17

Sa enn ki fer pese kont enn sa bann komannman SENYER, menm si i fer li enkonsyanman, i koupab e i ava responsab pour son fot.

Nonm 18:22

Apartir ozordi, bann Izraelit pa devre apros Latant Rankont SENYER, san ki zot rann zot koupab e pangar zot mor.

Levitik 22:9

Bann pret ava akonpli tou sa ki mon'n ordonnen, san rann zot koupab pour en pese profanasyon ki anmenn lanmor. Mwan menm SENYER ki rann zot sen.

Levitik 17:7

Konmsa, zot ava arete ofer zot sakrifis avek bann bondye dan laform bouk avek ki zot fer prostitisyon. Sa i ava en regleman pour zot, pour tou bann zenerasyon.

Levitik 5:1

Kan en dimoun i ganny apele koman temwen lo keksoz ki i'n war, oubyen ki i deza konnen, me i refize dir sa ki i'n tande oubyen war, i komet en pese. I ava responsab pour son fot.

Nonm 9:13

Me sa zonm ki pir, ki pa pe vwayaze e ki pa selebre Pak, i bezwen ganny tire parmi son pep, akoz i pa'n ofer SENYER son lofrann ler ti fodre. Sa zonm ava anmenn konsekans son pese.

Egzod 30:21

Zot ava lav zot lanmen ek zot lipye pangar zot mor. Sa i ava en regleman pour touzour, pour li ek son desandans, zenerasyon apre zenerasyon.

Levitik 16:13

I ava met lansan lo labrez devan SENYER; nyaz lafimen ki monte ava anvlop kouvertir Kof Lalyans ki annan dokiman lalyans. Konmsa i pa pou mor.

Ezekyel 44:17

Alor, kan zot ariv dan lakour enteryer, zot ava met lenz latwal linenn; zot pa devre met okenn lenz lalenn ler zot dan servis, ni kot lantre lakour enteryer, ni dan tanp.

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Levitik 22:15

Bann pret pa devre profann bann lofrann sakre ki pep Izrael i ofer SENYER.

Nonm 15:15

Pou annan en menm regleman pour zot kominote e pour bann etranze ki parmi zot. Sa i pou en re-gleman pour touzour.

Nonm 18:8

SENYER ti dir Aaron: Mon donn ou tou lofrann ki pep Izrael i anmennen. Mon donn ou tou sa bann lofrann koman en par e pour ou desandan pour touzour.

Nonm 18:32

Kan zot ava'n met dekote meyer porsyon pour mwan, zot pa pou koupab pour okenn pese. Zot pa ava pe profann bann lofrann sakre pep Izrael. Zot pa pou mor.