Egzod 28:42 - Labib An Kreol Seselwa

⁴² Ou ava fer bann kannset an linenn, pour kouver byen zot touni. Zot ava pran depi kot leren ziska kot kwis.

Egzod 28:42 Referans Kwoze

Ezekyel 44:18

Zot ava met tirban latwal linenn otour latet, en morso latwal linenn otour zot leren; zot pa devre met nanryen ki pou fer zot transpire.

Levitik 16:4

I devre met lo li son lenz sakre an linenn, son kannset linenn, en sentir linenn otour son leren, e kouver son latet avek en tirban linenn. Tousala i fer parti son labiyman sakre. I ava met sa labiyman apre ki i'n pran en ben.

Levitik 6:10

Pret ava met son kannset linenn ek bann lenz linenn. Apre, i ava pran lasann sakrifis konplet lo lotel e depoz akote lotel.

Revelasyon 3:18

Pour sa rezon, mon konsey ou: Vin aste avek mwan lor ki'n ganny teste dan dife, e ou ava vin ris. Vin aste lenz blan kot mwan, pour ou abiye e kasyet laont ou touni. Vin aste osi en remed pour ou pas lo ou lizye pour ou kapab war kler.

Egzod 39:28

Zot ti osi fer bann tirban an linenn fen, bann bonnen avek latwal linenn fen; bann kannset avek latwal linenn fen, trese;

Egzod 20:26

Ou pa pou mont kot mon lotel par mars peron, pour ki ou touni pa ganny ekspoze.”

Ezekyel 44:17

Alor, kan zot ariv dan lakour enteryer, zot ava met lenz latwal linenn; zot pa devre met okenn lenz lalenn ler zot dan servis, ni kot lantre lakour enteryer, ni dan tanp.

Levitik 6:3

oubyen si i konsern en lobze perdi ki i'n trouve, me i dir pa vre; oubyen ankor i fer en fo serman, pour li kasyet nenport sa bann pese ki zonm i kapab komet.