Egzod 27:21 - Labib An Kreol Seselwa

²¹ Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 27:21 Referans Kwoze

Nonm 19:21

Sa lalwa i valab pour touzour. Sa dimoun ki pe fer aspersyon delo pirifikasyon ava lav son lenz. Alor, dimoun ki tous delo pirifikasyon pou vin enpir ziska aswar.

Nonm 18:23

Zis bann Levit ki annan drwa fer servis dan Latant Rankont SENYER. Zot ava responsab pour zot pese. Sa i en lalwa ki zot ek zot desandan pou bezwen garde pour touzour.

2 Kronik 13:11

Tou le bomaten e tou le swar, zot bril bann sakrifis konplet ek lansan aromatik pour SENYER; zot depoz dipen lo latab annor pir e sak swar zot alim portlanp annor avek son bann lalanp. Nou, nou fer sa ki SENYER in ordonn nou, me zot, zot in abandonn li.

1 Samyel 3:3

Lalanp ki alimen dan sanktyer pa ti ankor tennyen. Samyel ti pe dormi dan tanp SENYER kot Kof Bondye ti ete.

Levitik 16:34

Sa i ava en regleman pour touzour pour zot, konsernan rityel pardon pese pour tou pep Izrael ki ava ganny fer en fwa par an. Moiz ti fer tou sa ki SENYER ti'n ordonn li.

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Egzod 30:8

I ava osi bril lansan aswar, ler i alim bann lalanp. Lansan ava brile devan SENYER toultan, zenerasyon apre zenerasyon.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

Levanzil dapre Zan 5:35

Zan ti parey en lalanp ki ganny alimen pour li eklere. Zot ti kontan pour viv dan son lalimyer pandan en serten letan.

1 Samyel 30:25

Depi sa zour, sa ti vin en lalwa e en regleman pour pep Izrael.

Egzod 28:43

Aaron ek son bann garson ava met sa kannset ler zot ava antre dan Latant Rankont, oubyen ler zot ava apros kot lotel pour servis sanktyer. Konmsa, zot pa ava koupab pour okenn fot, pour ki zot pa mor. Sa i en regleman pour touzour ki aplik pour Aaron e pour son desandans.

Revelasyon 2:1

Ekri Lanz Legliz dan Efez: La sa ki sa enn ki tenir sa set zetwal dan son lanmen drwat e ki mars parmi sa set portlanp annor i deklare:

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Levanzil dapre Lik 12:35

“Met zot pare, zot sang otour zot leren e gard zot lalanp alimen.

Matye 4:16

Lepep ki ti pe asiz dan fernwanr, in war en gran lalimyer. Pour bann ki ti pe asiz dan pei, dan fernwanr lanmor, en lalimyer in leve parmi zot!

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Psonm 134:1

Loue SENYER! Zot tou bann serviter SENYER, zot ki debout dan tanp SENYER kontinyelman dan lannwit.

Nonm 8:9

Fer bann levit avans devan Latant Rankont SENYER e rasanble kominote Izrael antye.

Levitik 24:9

Sa bann dipen ava pour Aaron ek son bann garson; zot ava manz li dan en landrwa sen. Annefe, sa i ava en keksoz tre sakre parmi bann lofrann brile an loner SENYER. Sa i en regleman pour touzour.

Levitik 24:3

Aaron ava enstal sa lalanp devan rido Latant Rankont, deryer rido lalyans, pour ki i reste alimen devan SENYER depi aswar ziska bomaten. Sa i ava en regleman pour touzour pour bann zenerasyon.

Levitik 3:8

I ava poz son lanmen lo latet sa zannimo; i ava egorz li devan lantre Latant Rankont, e bann garson Aaron ava asperz son disan otour lotel.

Egzod 40:3

Ou ava met Kof Temwannyaz ladan e ou ava kouver li avek rido separasyon.

Egzod 30:36

Ou ava kraz li e fer li vin anpoud e met li devan Kof Lalyans, dan Latant Rankont, la kot mon pour rankontre ou. Sa i devre en keksoz tre sakre pour zot.

Egzod 29:44

Mon pou konsakre Latant Rankont ek lotel. Mon pou konsakre Aaron ek son bann garson pour zot servi mwan koman pret.

Egzod 29:42

Tou bann zenerasyon fitir ava kontinyen ofer mwan sa bann sakrifis devan lantre Latant Rankont, akoz la ki mon pou rankontre zot; la kot mon pou koz avek zot.

Egzod 29:28

Tousala ava pour Aaron ek son bann garson, dapre en regleman pour touzour. Sa, ava par pep Izrael ki sorti lo son bann sakrifis lape. Sa i zot kontribisyon pour SENYER.

Egzod 25:16

Ou ava met dan Kof Lalyans, plak temwannyaz ki mon pou donn ou.

Egzod 16:34

Parey SENYER ti'n ordonnen avek Moiz, Aaron ti plas sa po lamann devan bann plak Temwannyaz pour ki i ganny konserve.

Zenez 1:8

Bondye ti apel sa twa lesyel. Aswar ti fer e bomaten ti arive. Sa ti dezyenm zour.

Zenez 1:5

Bondye ti apel lalimyer lizour, e fernwanr aswar. Aswar ti fer e apre, lizour ti arive. Sa ti premye zour.

Levitik 24:2

Donn lord pep Izrael pour donn ou delwil doliv meyer kalite pour ki lalanp sanktyer i reste kontinyelman alimen.

Nonm 18:5

Zis zot ki devre ofisye dan sanktyer e lo lotel. Konmsa mon lakoler pa ava tonm ankor lo pep Izrael.

Egzod 12:14

Sa zour ava pour zot en memoryal. Zot ava selebre sa zour koman en lafet pour SENYER. Zot ava obzerv li koman en zour lafet pour touzour, pour tou zot bann zenerasyon.

Egzod 30:21

Zot ava lav zot lanmen ek zot lipye pangar zot mor. Sa i ava en regleman pour touzour, pour li ek son desandans, zenerasyon apre zenerasyon.

Levitik 6:15

Zot ava pran en ponnyen lafarin meyer kalite dan sa lofrann vezetal avek delwil ek tou lansan ki lo la. Zot ava bril li lo lotel, e i ava anvoy en loder ki fer plezir SENYER.

Levitik 7:36

Sa i bann par ki SENYER in ordonnen pour donn zot ler i ti konsakre zot. Sa i en regleman ki devre ganny obzerve pour touzour.

Levitik 10:9

“Avan zot al dan Latant Rankont, pa bwar diven, ni okenn labwason for, ni ou, ni ou bann garson, pour ki zot pa mor. Sa i ava en regleman pour ou desandans pour touzour.

Levitik 17:7

Konmsa, zot ava arete ofer zot sakrifis avek bann bondye dan laform bouk avek ki zot fer prostitisyon. Sa i ava en regleman pour zot, pour tou bann zenerasyon.

Levitik 23:14

Zot pa pou manz ni dipen, ni zepi griye, ni nouvo legren avan sa zour kan zot ava anmenn lofrann zot Bondye. Sa i en desizyon pour touzour ki valab pour tou bann zenerasyon, dan okenn landrwa kot zot ava pe reste.

Levitik 23:21

Sa menm zour, zot ava konvok en lasanble sakre; zot pa pou fer okenn travay ordiner. Sa i en regleman pour touzour, pour tou bann zenerasyon, la kot zot ava pe reste.

Nonm 35:29

Sa i bann lalwa ki zot devre garde toultan e partou kot zot ava reste.